Qaartitsinermi ajutoorneq: Qilaaq putuneqartoq
Qaartitsinermit ujarak tammittoq Nuummi inissiap isaariaanut tammippoq,, tammigussaanerani qilaaq putuneqarpoq.
Soorlumi tassa salloqittaavimmi salluliuut. Taamaanngilarli.
Nuummi aqqusinermi C. P. Holbøllsvejimi najugaqartut aprilip aallaqqaataanni soraarlutik angerlaramik tupajussuarput. Inissiaminnut iseramik takusaat siulleq tassaavoq ujarassuaq, qilaaq putullugu isaarissamut tussimasoq.
Suliffeqarfiup GNC Apsip qaartitsinerani ajutoortoqarsimavoq, ujarassuarlu qaartinneqartoq inissiap iluanut tammissimalluni.
Iserit, inissiamik aqutsisuusoq ilisimatitsivoq najukkami aseruatitertoqarneranik ilisimasaqalernermi ingerlaannartumik najugaqartut allamut inissinneqarallarsimasut.
- Aseruatiternerit annertussusaat tamakkerlugu suli paasinarsinngilaq. Qassinorpiaq (ajutoorneq, aaqq.) pisimanersoq ilisimanngilarput, najugaqartulli angerlarsimasimanngillat pisup nalaani, Iserit pisortaa Torben Kortegaard allagaqarluni akissuteqarpoq.
- Sillimmasiisarfimmut suliakkiunneqarpoq. GNC-ip sillimmasiisarfiutiminut neqeroorut maanna piniarpaa, Torben Kortegaard ilanngullugu ilisimatitsivoq.
GNC ilisimatitsivoq pisumi oqaaseqassanatik.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...