qaartitsineq
Qaartitsilluni kukkuluttorneq nutaaq politiit misissussavaat
Nuummit Qinngorpumi Suloqqap eqqaani qaartitsisoqarmat, containerit ujaqqanit eqqorneqarput.
Annonce
Piffissap sivikitsup ingerlanerinnaani Kommuneqarfik Sermersuup qaqqanik qaartiterinerani ajutoortoqarpoq. Kingullermik naluttarfik Malik ujarassuarmit eqqorneqarpoq, igalaaq aserorlugu naluttarfiup iluanut igeriunneqarluni.
Pigisat aserorneqartut
Ippassaq qaartitsisoqarnerani pigisanik kisimi ajoqusiisoqarsimasoq, attaveqatigiinnermut pisortaq Lars Damkjær KNR-imut ilisimatitsivoq, tamanna 16.30 missaani pivoq. Containerit saniatigut Permagreenip illuutaa ujaqqanit eqqorneqarpoq.
Politiit aamma Namminersorlutik oqartussat kommuni aamma KNR-ip paasissutissaatai naapertorlugit, suna ajutoorutigineqarnersoq paasiniassavaat.