Qaartitserinermi pisortaq akuersissutaanik arsaarneqarpoq

Ulloq 7. marts qaartitsineq ajutoorfiuvoq, qaartitsinermilu ujaqqat amerlasuut tammittut, Nuup qeqqani angallaffiungaatsiartumut 400-talimmut tullutik.

Mirakel

Tupinnaannartumillu inunnik ajoqusertoqanngilaq. Aqqusineq Nuummi innuttaasut illoqarfiup qeqqanut aqqutissatuaasa aapparaa.

Pinngortitamut Avatangiisinullu Naalakkersuisoqarfiup Sermitsiaq.AG-mut paasissutissiivoq, pisoq pillugu misissuinermik aallartitsisoqarsimasoq.

Peqqussutit marluk tunniunneqartut

Suliami peqqussutinik marlunnik tunniussisoqarsimasoq, naalakkersuisoqarfik paasissutissiivoq.

- Qaartitsinissaq tamatigut sioqqullugu pilersaarusiorluartoqarnissaa peqqussutigineqartoq, Naalakkersuisoqarfik Sermitsiaq.AG-mut paasissutissiivoq, nangillunilu:

- Qaartitsinerni tamaginni sumiiffiit, aqquserngit, aqqutit, assigisaallu navianarsinnaasut tamarmik inuerutsinneqassapput assersorneqarlutilluunniit, paasissutissiarineqarpoq erseqqissaassutigineqarlunilu pisup misissuiffigineqarnerani qaartitserinermi pisortaq akisussaasuusoq akuersissutaanik arsaarinniffigineqartoq.

Nutaarsiassat

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...