Skip to main content

QaaQ pakatsisitsisoq

QaaQ 'Kalaallit Nunaat Tivolimut' akissaqarunnaarpoq. - Naggammik tusarnaartitsinissannut qilanaaraluaqaanga, Per Berthelsen oqarpoq

Per Berthelsen Facebookikkut ajuusaarluni nalunaarpoq QaaQ Tivolimut peqataasussaajunnaartoq. Nuannaartorinnittut pakatsisimasut oqaaseqaatimikkut pakatsinerminnik ersersitsipput. Tivolimi aggustip aallaqqaataani tusarnaartitsisinnaajumalluni aningaasanik katersuiniarluni tusarnaartitsinerpassuit ingerlanneqaraluartut tamanna iluatsinngitsoortussatut isikkoqalerpoq.

Katersuiniarneq aallartimmat nipilersoqatigiit ilisimatinneqarput tusarnaartitsiartorneq inummut ataatsimut 7.500 koruunit missaannik akeqassasoq, anguniagarlu anguneqareersorlu paasinarsivoq tamanna ilimagisamit 3.000 koruuningajannik akisunerussasoq. Taamaalilluni QaaQ 20.000-30.000 koruuninik immikkut pisariaqartitsisussanngorpoq.

- Bilitsit akisuallaarujussuarput aamma tapiiffigineqalaarnissarlunniit ajornakusoorsimavoq, ilami allaat ajornarluinnangajassimalluni, Per Berthelsen allappoq.

Per Berthelsen nuannaartorinnitsimisut minnerpaamik pakatsisimatigaaq.

- Naggataamik tusarnaartitsinissannut qilanaarsimagaluarpunga, tamannali tassa pisinnaajunnaarpoq. Ikiuutaalaarsinnaasumik soqannginnera 
akuersaarsinnaanngilara, Per Berthelsen oqaluttuarpoq. Akit nikingassutaata akilernissaanut tapiissuteqarsinnaasunik nassaarniarsimagaluarpoq.

Nuuk Ugeavisimi saqqummersumi allaaserineqartut atuarneqarsinnaapput. Aviisi ataani akeqanngitsumik aaneqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER