Qaannat unammersuarnerat: Arne Nielsenip ulloq pigaa

Uummannarmiut marloriaammik angutini inersimasuni qaannat pissartanngorniunneranni ajugaapput pingasunngornermi takisuumut parruttoqarmat. Angusat assillu takukkit

Takisuumut parrunnermit paarluarnerit pingasut talerperlermiit: Ajugaasoq Arne Nielsen, Uummannaq, sølvinnattoq Apollo Zeeb, Uummannaq pingajuusorlu Kunuunnguaq Davidsen, Sisimiut Noah MølgaardUnammisut Nuutoqqamiit aallaramik uani Siorasiorfimmi nerngallaapput Noah MølgaardPeqataapput eqimattat arlariinngorput. Aajuku unammisut imminnut ingiaqatigeeqqissaartut Noah MølgaardQinngutsinni aqquserngup isuaniit illersuisut qiimmassaapput Noah MølgaardTakisuumut parrunneq silagissuup ataani pivoq Noah MølgaardAallarfimmi apuuffimmilu Nuutoqqamiittumik isiginnaartorpassuaqarpoq Noah MølgaardParrunneq sivitsoriartortillugu peqataasut imminnut ungasilliartorput Noah MølgaardPilluarit. Uummannarmiut marloriaammik ajugaanera qulakkeerneqarpoq. Arne Nielsen aamma Apollo Zeeb imminnut pilluaqqupput Noah MølgaardArne Nielsen aamma Apollo Zeeb aallaqqaaramik imminnut ingiaqatigiipput, Arnelli nunaqqanni katakkiartuaarusaarpaa Noah MølgaardApollo Zeeb apuuppoq Arne Nielsen pilluaqqusissalluni utaqqisoq Noah Mølgaard

Arne Nielsenip Uummannameersup takutippaa ukiut apeqqutaanngitsut timi sungiusarluarsimatillugu. Taanna 54-nik ukiulik qajartortartoq angutit inersimasut takisuumut parrunneranni Nunatsinni pissartanngorpoq unammersuarnerni ulluni makkunani pisuni.

Unammisut Nuutoqqamiit aallarmatali Arne Nielsen siuarpoq nunaqqanni ukiunik pingasunik nukarleq Apollo Zeeb ingiaqatigeqqaarlugu, ingerlaarnerminnili Arne Nielsen siuariartuinnavippoq Siorarsiorfimmi nerngallassinnarlutik Qinngorput avaqqussinnarlugu Qeqertat akornisigoorsinnarlutik Nuutoqqamut apuukkiartoramik angumasassaajunnaarluni siuarpoq atorsimallugit akunnerit 1.43,06.

Apollo Zeebip atorsimavai akunnerit 1.43,53. 35-nik ukiulik Kunuunnguaq Davidsen Sisimiuneersoq pingajuuvoq atorsimallugit akunnerit 1.45,22.

Arnani inersimasuni pissartanngorpoq Angerlaq A. Olsen, Maliina Amondsen tullersortaavoq Paninnguaq Olsvig pingajuusoq. Taakku tamarmik Nuummeersuupput ingerlaarfiallu angutit ingerlaarfianniit naannerulluni.

Powered by Labrador CMS