Qaanaaq: Qaleralik kuultimik sinilerneqassaaq
Tuniniaanerup nunap immikkoortua iluaqusissavaa: - Qaanaami qaleralik immikkuullarissutut ussassaarutigisinnaavarput, aalisagaq, piniartoq Qaanaarlu iluaquserlugit, isumassarsisut oqarput
Nunarsuarmi sumi tamaani atuisut pisisinnaassuseqartut neriniartarfinnilu neriniartut nerisassanik mamaannaratik aamma soqutiginartumik oqaluttuassartaqartumik piumapput.
Royal Greenland ilaatigut USA-mi aningaasanoorfinnut neriniartarsiutilissuarnullu iluatsittumik saattuanik tuniniaavoq.
Taamatut ingerlasoqarnerujartornera aamma Qaanaamit qaleralimmut iluaqutaasussatut atorluarneqartariaqartoq ilisimatuut marluk isumaqarput.
Suleqatigiinnissaq
Suliummi nammineq aningaasaatitik nukitillu atorniarlugit aalajangerput, pilersaarutaalluni qalerallip immikkut ittumik tuniniarnissaa ilaatigut igallaqqissorsuarnut ulluinnarnilu niqqutissanik inuulluarniutaanerusunik niuertarfinnut soorlu Danmarkimi Irmamut.
- Kajumissutsitsinnik sulivugut Namminersorlutik Oqartussanit piorsaanermut tapiissutinik pissarsilaartarluta. Neriuutigaarput attaveqaatit Qaanaamit qaleralik pillugu oqaluttuap immikkuullarissup siammarternissaanut suliaqartut suleqatigilernissaat neriuutigaarput, Center for Arktisk Teknologimi lektori Kåre Hendriksen oqarpoq.
Allaaserineqartoq aviisimi AG-mi tamakkiisumik atuaruk. Aviisi uani pisiarineqarsinnaavoq: