Qaanaap annertuumik suliniuteqarfigineqarnissaa pisariaqartoq
Naak Qaanaami aalisarnermik inuussutissarsiuteqarneq pitsaasumik ineriartoraluartoq, Qaanaami inuussutissarsiornerup isumaginninnerullu iluani suliniuteqartoqartariaqartoq, politikeri aamma kommunip allaffiani sullissivimmi pisortaq isumaqarput.
Kalaallit Nunaanni illoqarfiit avannarpasinerpaartaanni nunaqarfiinilu Siorapalummi, Savissivimmi Qeqertamilu, inuuniarnikkut atukkat Kalaallit Nunaani sumiiffinnut allanut naleqqiullugit suli allaanerusut, aviisi Sermitsiaq allappoq.
Piniarnermik inuussutissarsiuteqarneq Qaanaami ukiorpassuarni pingaartut ingerlanneqarsimavoq, taamaattumillu qajaq qimusserlu atorlugit piniarneq tammatsaalineqarsimavoq piniartukkormiunillu pinngitsoorneqarsinnaanani.
Naallu sikukkut qilalugarniarluni aalisarneq sikuunerani taamaallaat ingerlanneqartaraluartoq, aalisarnermik inuussutissarsiuteqarneq pitsaasumik ineriartorfiusimavoq. Taamaakkaluartorli aasakkut ukiakkullu aalisarnerup ingerlanneqarsinnaalernissaa anguniarlugu suliniutit assigiinngitsut aallarnisarneqartariaqartut, Inatsisartunut ilaasortaq, Mikivsuk Thomassen, Inuit Ataqatigiit, isumaqarpoq.
- Suliniutilli aallarnisarneqarneranni aalisartut piniartullu akuutinneqarnissaat pisariaqarpoq. Inoqarfinnilu avannarlerpaani ineriartortitsinissamut periarfissat politikkikkut misissuiffigineqarlutillu ineriartortinneqarnissaat aqqutissiuunneqartariaqarpoq, taanna oqarpoq.
Aviisimi Sermitsiami atuarnerusinnaavutit: