Skip to main content

Qaanaami takornariaqarneq annertuumik unammilligassaqartoq

Isorliunerusuni takornariaqarnermik inuussutissarsiuteqartut imak annertutigisunik unammilligassaqarput, allaat suliffeqarfiit takornariaqarnermik suliaqartut ineriartortsisinnaanerat killeqartorujussuulluni, Qaanaami takornarissanik sullissisoq isumaqarpoq.

Mads Ole Kristiansen Qaanaami namminersorluni takornarissanik sullissinermik suliaqarpoq, taassumalu suliffeqarfik Nunataq Atsuk Travel, ukiuunerani qimussiussinermik aasaaneranilu umimmanniartitsinermik suliaqartoq ingerlataraa.

Coronap nunarsuaq tamakkerlugu ajornartorsiortitsinera sioqqullugu takornarissat martsimiit juni ilanngullugu Qaanaamut tikittartut amerlapput. 2020-lli aallartisimanerani corona ajornartorsiortitsilermat Qaanaami takornariaqarneq annertuumik eqqugaavoq. Tamatumalu kingunerisaanik Kalaallit Nunaata iluani takornariat Qaanaamukartartut ikittuinnaasimapput. Piffissamili matumani takornarissat Qaanaamukartartut amerliartoqqileraluartut, Qaanaami takornariaqarnermik ineriartortitsiniarneq ajornakusoortoq, Mads Ole Kristiansen oqarpoq. Takornariaqarnerulli ineriartortinneqarnissaanut Avannaata Kommunia ikiuunnissaminut piareersimasoq, takornariaqarneq pillugu siunnersorti erseqqissaavoq.  

Aviisi Sermitsiaq allappoq.

Unammilligassat

Aprilimi takornarissat Qaanaamut tikittut ikittuinnaapput, aasaaneranili tikittut amerlanerungaatsiarnissaat naatsorsuutigineqarpoq. Qaanaap eqqaa suli sikuuvoq, junillu naajartorneranut sikukkut qimussiussineq suli ingerlanneqarumaartoq, Mads Ole Kristiansenip naatsorsuutigaa.

Nunataq Atsuk Travel-imut aappaagumut inniminniisimasut arlaqalereerput, taamaattumillu siunissaq isumalluarfigigini suliffeqarfiup piginnittaa oqarpoq. Taamanikkussamullu suliffeqarfiup ineriartortinnissaa kissaatigigaluarlugu, taamaattoq ineriartortitsinissamut aporfissat amerlavallaarujussuartut, taassuma oqaatigaa. 

Isorliunerusuni inuussutissarsiuteqarnermik ineriartortitsinissamut periarfissat killilerujussuupput, tamannalu ilaatigut aningaaseriviit isorliuneruni inuussutissarsiutinut aningaasaleerusussuseqannginnerannik ilaatigut peqquteqarpoq, taanna oqarpoq.

Oqaluttuaq tamaat aviisimi Sermitsiami sapaatip-akunnerani matumani saqqummersumi atuaruk, akiliillutit ugguuna iserfigisinnaavat:

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER