Skip to main content

Qaanaami qalerallit tunisat ikileriartut

Coronap tuniluunnera ukiuuneranilu aalisartut ikinnerunerat Qaanaami aalisakkerivimmut tunisat ikileriarnerannut pissutaapput.

Qaanaap aalisakkeriviani Royal Greenland A/S-imit aamma Inughuit Seafood A/S-imit pigineqartumi pisortaq Ujuut Olsen naapertorlugu, qalerallit tunineqarsimasut siorna piffissamut tassunga sanilliullugu ikinnerusimapput.

Aviisi Sermitsiaq taamatut allappoq.

Ukioq manna januarimiit maajip aallartilaarneranut Qaanaami aalisakkanut suliffissuarmut, Royal Greenland A/S-imit Inughuit Seafood A/S-imillu pigineqartumut, qalerallit 100 tonsit missaat tunineqarsimapput, siornalu piffissap taamalinerani 170 tonsit missaat tunineqarsimallutik.

Qaanaami eqqaanilu sikukkut ningittagarsorluni qaleralinniarneq decemberimiik juni ilanngullugu ingerlanneqartarpoq, naliginnaasumillu aalisartut 50-it missaanniittut aalisartarlutik. Ukiorli manna tunisat ikinnerunerat assigiinngitsunik peqquteqartoq, Qaanaami aalisakkanut suliffissuup pisortaa Ujuut Olsen oqarpoq.

Ukiuunerani Qaanaami corona tuniluuppoq aalisartullu amerlasuut Sisimiuni pikkorissarnernut peqataallutik. Piffissamilu matunami aalisartut arlallit takornarissanik qimussiussisarput, Ujuut Olsen oqarpoq.

Tunisalli ikileriarsimagaluartut aalisakkerivimmi sulisat qulit missaanniittut sulisoriinnarneqarsinnaasimapput. Qalerallit niaquikkat paperuikkallu j-cut-itut qerititerlugit tunisassiarineqartarput.

Oqaluttuaq tamaat Sermitsiami sapaatip-akunnerani matumani saqqummersumi atuaruk, ugguuna akiliillutit iserfigisinnaavat:

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER