Skip to main content

Qaanaami piniartut: Piniariaatsit eriagineqartariaqarput

Piniagassat killilerneqartarnerisa kingunerisaanik Inughuit piniariaasai tammariartulersinnaapput. Qaanaami piniartut 30-t piniariutsit piniarnermilu ileqqut tammatsaaliornissaannut eriagisassanngortitseqqullutik kaammattuuteqarput.

Piniartut 30-t missaanniittut pisassiissutit piniariarfiillu pillugit unammilligassat aaqqiissutaasinnaasullu pillugit 12.-15. november isumasioqatigiipput.

Piniareernermi pisat agguaattariaasiat ”Ningerneq” kinguaanut ingerlateqqinneqarsinnaasunngorlugu eriagisassanngortinneqarnissaat kissaatigaat. 

Ningerneq tassaavoq pisanut agguaasseriaaseq, piniartut tamarmik pinissaat anguneqartarluni.

- Ningerneq Inughuit ileqqutoqaraat piniartoqatigiit imminnut tapersersorniarlutik, taannalu kulturi tammatsaalineqarnissaa pisariaqarluinnarpoq. Killilersuinerup eqquineratigut annaaneqalerpoq, inuttullu ataasiakkaatut eqqarsartaaseq atuleraluttuinnarluni, piniartullumi pingaartitaraat ikioqatigiinnissaq.

- Ningernermi periutsit ningertassallu aqqi allattugaatigineqartariaqarput arlaatigut tammatsaaliorneqarlutillu atorneqartuaannartariaqarmata, Mads Ole Kristiansen, KNAPP Qaanaami siulittaasoq oqarpoq.

Sikumi piniarneq

Piniariutsini sikukkut qilalugarniartarneq Qaanaami piniartut piujuartikkusuppaat. Taama piniariaatsip atuinnarnissaanut pisassat qaavatigut piniagassanik pisassiisoqartalernissaa kaammattuutihaat. Siunnersuutigineqarlunilu pisassat 35-t sikugaangat pisassiissutigineqartassasut.

Piniartut aamma kissaatigaat anguikkap, maanna piniarnermi inerteqqutaasup, inerteqqutaajunnaarsinneqarnissaa.

Innersuussutit 59-it

Piniartut innersuussutinik 59-inik, piniakkanut assigiinngitsunut tunngasunut suliaqarsimapput. Innersuussutit Naalakkersuisunut susassaqartunullu allanut nassiunneqartut, ilisimatitsissutigineqarpoq.

Ilaatigut innersuussutigineqarput:

  • Piniariartarfiit nalilersorneqaqqittariaqarput
  • Qilalukkat aarrillu tuugaavinik aamma pisat niaquisa saarnginik tunisisinnaaneq misissorneqarli
  • Aarrit pisassat amerlineqartariaqarput
  • Inatsisinik allannguinermi tusarniaanermilu piniartut peqataatinneqarnerunissaat
  • Amaqqut sammineqarnerusariaqarput, piniagassanik allanik nungusaammata
  • Amaqqut amiisa tunitsivinnut tunineqarsinnaalernissaat misissorneqarli
  • Appat piniagaanissaannut piffissaliussaq nikisinneqarli, Qaanaami innuttaasut appanniarnermut peqataasinnaanerulerniassammata
  • Piniarnermi qangaaniilli atortut eriaginissaat aammali nutaaliorneq tamarmik pingaaruteqarput
  • Piniariaatsit mianerisariaqarput kingornutassatullu eriagisassanngortinneqarlutik
  • Illuaqqat piniariarnermut atorneqartartut aserfallatsaaliornissaannut aningaasaliisoqarli
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER