Qaanaami piniarnermi ileqqut navianartorsiortut
Piniakkanik killilersuineq kommunillu piniarnermi ileqqoreqqusaat, Qaanaami piniarnermi ileqqutoqqat atorunnaariartornerannik kinguneqarpoq – tamannalu piniartut akornanni assigiinngitsunik isumaqarfigineqarpoq.
I Qaanaaq har det altid været et skik at bruge hundeslæde som transportmiddel til iskanken, hvor narhvalsfangsterne foregår i fællesskab ved brug af qajaq i foråret og sommeren.
Qaanaap eqqaani upernaakkut aasakkullu sikup sinaani qernertanik qilalugarniarfissamut qimmussimik ingerlaaqatigiittoqartarpoq, tassaanngaanniillu qilalukkat qaannamik naaleqqaarneqariarlutik aallaallugit pisarineqartarput, taakkulu ileqqutoqqat malillugit angalaqataasunit tamanit agguaanneqartarput.
Umiatsiaaqqat
Ukiulli kingulliit, annerusumillu ukioq manna, piniartut arlaqartut umiatsiamik sikup sinaanukartalerput, taakkulu pisatik nammineq pisarpaat sikumilu piniartunik agguaqateqassanatik.
Piniariaatsit tamakku sikup sinaani piniartunut akornusersuutaaginnaratik, aammali piniariaatsit qangaaniilli atuussimasut tammariartulernerannik kinguneqartut, Qaanaami piniartoq aalisartorlu Frederik Duneq oqarpoq.
Pissutsillu taamaannerat Qaanaami aalisartut piniartullu peqatigiiffianni siulittaasup, Mads Ole Kristiansenip uppernarsarpaa. Tamannalu piniakkanik killilersuinerup, aningaasanillu amerlanerusunik pissarserusunnermik pissuteqartoq, taanna isumaqarpoq.
Aviisimi Sermitsiami paasisaarnerugit. Ugguuna iserfigisinnaavat: