Qaanaami ilisimatusartoqalerpoq
Piujuartitsisumik nukissiutaasinnaasumik ilisimatusarluni Qaanaami pilersitsinissamut Pinngortitaleriffik peqataavoq
Aningaasaateqarfik ataqqisaasoq National Science Foundation Qaanaami suliniummut ukiuni sisamani ingerlanneqartussamut 17,6 million kronit nalingannik aningaasaleeqqammerpoq.
Pinngortitaleriffik tusagassiutinut nalunaarummi allappoq.
Darthmouth Pinngortitaleriffiullu Qaanaarmiut malinnaaffigisussaavaat siunissami piujuartitsisumik nukissiuteqalernissaannut.
Teknologi aqqutigalugu ineriartorneq
- Silap allanngoriartornerata sunniutai nunap sinneranut sanilliukkaanni Qaanaami malunnarnerujussuusarput, tamaani inuiaqatigiit piniarnermik inuuniuteqaramik immallu sikuata allanngorneranik sunnerneqaramik. Dieselimik orsussanillu allanik pinngitsuuisinnaannginnertik annikillisaaffigineqassasoq Qaanaamiut aamma namminneq kissaatigaat, nalunaarutigineqarpoq.
Suleqatigiinnikkut nukissiutit piujuartitsinerusut atorneqarsinnaanngornissaat anguniarlugu teknikkikkut aaqqissuussisoqassaaq, aaqqiissutaasullu nunarsuarmi allami atorluarneqarsinnaanissaat siunertarineqarpoq.
National Science Foundation-ip millionilikkaanik Qaanaami ingerlatassamut tapiinera ”Isumassarsiat qulit” ilaattut aningaasaliiffigineqarpoq. Sulinerminnilu toqqammavigisussaavaat issittumi uumassusilerineq, fysik, kemi, inuiaqatigiillu toqqammaviusumik silamik, nunarsuarmilu ataqatigiiaanut allanngueqataasumik ingerlatsiniarnertik taamaalillunilu nunarsuatta aningaasarsiorneranut sillimaniarneranullu annertuumik sunniuteqaqataassallutik.
Ilisimatusarnissaq pillugu video uani takuuk: