Torrak
Qaanaami arsamik pinnguartoqassaaq
Sapaatip akunnerata naanerani tulliuttumi FIFA-p arsaannermik festivalia Qaanaami ingerlanneqassaaq
Annonse
Juunip 14-ianniit 16-iannut - sapaatip akunnerata naanerani tullermi Qaanaami FIFA Football Festival ingerlanneqassaaq - DBU/FIFA-mi ilitsersuisoq Thomas Slosarich Københavnimeersoq aamma GBU-mi ilitsersuisoq Kent Kielsen Qaqortumeersoq ingerlatsisoralugit.
Tallimanngornermi arfininngornermilu Qaanaami nunaqarfiinilu arsaattartunik sungiusaasut ilinniartinneqassapput meeqqanut inuusuttunullu arsaannermik sammisaqartitsinerit qanoq isillutik pilersaarusiorsinnaagaat, aaqqissuussinnaagaat ingerlassinnaagaallu.
Sapaammi ualikkut arsaattartunik sungiusaasut FIFA Football Festival tamaani meeqqanut ingerlatissavaat - tassa akunnerni marlunni-pingasuni arsamik assigiinngitsunik pissanganartumik sammisaqartitsillutik.