Skip to main content

Qaanaami aallaarsimaartunit assit

Qaanaami 'Camp Q'-mit nutaasiassaqaqqippoq, tassani aamma assigiinngitsunik misigisaqaqqipput

Nunarsuarmi nunanit assigiinngitsuneersut peqataaffigisaannik Qaanaami 'Camp Q'-mik taallugu aallaarsimaartoqarpoq. Taakku nammineq kajumissutsiminnik peqataapput. Peqatigiiffik Kalaallit Meerartaannit aaqqissuunneqarpoq. 

Qaanaami meeqqat assigiinngitsunik sammisaqartinneqarput, nammineq kajumissutsimik peqataasut aaqqissugaannik. Sammisaqartitsinerit nalunaaqutaq 12-mit 18-ip tungaanut ingerlanneqartarput. 

Sermitsiaq.AG suleqatigalugu Canadamiu Isabelle Flammia misigisamik allattarpoq, ilaatigut nunamit allameersuulluni Kalaallit Nunaat qanoq isigineqarnersoq allaaserisarlugu. 

Isabelle Flammiap allaaserisaasa pingajuat aana:
'Qaanaami innuttaasut aaqqissugaannik arfininngormat qitinnermik sammisaqartinneqarpugut. Qilaatersortunik siullermik isiginnaarpugut, tasssani inuusuttut pingasut kalaallisoorlutik takutitsipput. Atisaat alutornaqaat kiisalu takutitaat aamma pissanganarluni. 

Taanna pereeriarmat nipilersoqatigiit aamma appisimaarput, tuluttuunik kalaallisuunillu atuillutik. Kalattuunik aamma takutitsisoqarpoq, kalattoornermillu aamma ilinniartinneqarluta. Aatsaat misilikkatsigu soorunami nalorsaqqaarpugut, ilagut ilatsinnit ilaat pikkorinnerupput. 

Aamma innuttaasunit nalunaarfigineqarpugut tikeraartut innuttaasullu volleyballimik unammisinneqassasut. Unammisassagut assut piareersimapput, timersuutilersorlutik unammiartoramik. Assut pikkorippasipput unammileratsigit. Aallartimmalli siuttooqqaaraluarpugut, unammisagulli ajugaapput. 

Aamma stafetsertinneqarpugut, tassani naatsiiamik nassataqarluta oqilaniutsinneqarluta. Aamma finlandermiusut grækenlandermiusullu qitittoqarpoq, meeqqat sungiusarsimasatik takutillugit. Finlandermiusut qitikkatta innuttaasut tamaasa peqataapput. 

Bebbiep nassuiaappaa aamma Peqatigiiffik Kalaallit Meerartaat sulerisarnersut, Kalaallit Nunaanni Danmarkimilu, sooq aamma Qaanaammiinnersugut nassuiaallugu. Tikeraat kaagiliorput kikkut tamarmik pissannik.

Timersortarfimmi
Timersortarfimmi suli meeqqanut sammisaqartitsisarpugut. Assigiinngitsunik sammisaqartitsisoqartarpoq, ilaatigut nukkassartoqarlunilu sungiusartoqartarluni. Aamma tilluunnermik sungiusaasoqarpoq. Peqatigiiffik Kalaallit Meerartaasa videomik sanaqquaatigut TV-kkut takutitassamik, taanna oktobarip qulingani takutinneqarumaarpoq. 
Tassani naatsumik takutitassiamik sanasoqarpoq qitinnertalimmik.

Aamma meeqqat peqatigalugit pisoqatigiittoqarpoq, tassani kuuit kiisalu qaqqaaqqat tikinneqarlutik. Paarnartartoqarpoq aamma naasorniartoqarluni. Aamma aarrit saanikuinik kiisalu umimmaat saanikuinik takusaqarpugut. 

Meeqqallu asimeeqatigiinnitsinni immitsinnut qanillineroqaagut. Timersortarfiimmittarnermit pisoqataasut ikinnerupput. Tamatta nuannisaqatigiippugut. 

Atuarfimmi
Assigiinngitsunik sapaatip akunnerata naanerani atuarfimmi sammisaqartitsisoqarpoq. Meeqqat peqataalluartaqaat, namminneq isumassarsiaminnik sanasaramik. 

Mamartunik nereqatigiittoqaraangat immitsinnut qanillinerusarpugut, sumiiffimmimi ataatsimeerrattaratta, Isabelle Flammia allappoq. Taassuma Qaanaami misigisani allattarpai.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER