Skip to main content

Qaanaami aalisarneq ingerlalluarnerulersoq

Qaanaami qalerallit tunineqartut siorna piffissamut tassunga sanilliullugit pingasoriaatinngorsimapput. Piniartut tamangajalluinnarmik aalisarnermut ikaarsaariarsimalerput

Avannaani sumiiffinnut allarpassuarnut aalisakkanik amigaateqartunut ilaatigullu qerititsiveqarnikkut naammassisinnaasat amigarnerat pissutigalugu Royal Greenlandip aalisakkeriviinut tunisinermik ajornartorsiuteqartunut sanilliullugu nunarsuarmi illoqarfiit avannarpasinnerpaartaanni Qaanaami aalisarnerup siuariartupiloorfigisaani ingerlalluartoqarpoq. 

Imami ingerlalluartigisoqarpoq, qaleralinnik aalisakkanik tuniasssiorfimmut nutaamut Inughuit Seafood A/S-ip aamma Royal Greenlandip ataatsimoorullugu ingerlataannut, tunisat siornamut sanilliullugit pingasoriaatinngorsimallutik.

Tamanut 2014-imi ukiuunerani upernaakkullu Qaanaami aalisarneq pillugu arlaleriarluni allaaserisaqartarpoq – ukioq mannalu aalisarneq suli ingerlalluarnerorpasippoq.

Taamaalilluni 2014-imi januaarip 2-aniit februaarip pingajuanut qalerallit 6,8 tonsit tunineqarput, ukioq mannalu piffissami tassanerpiaq tunineqartut 18,7 tonsinut qaffassimallutik.

Taamaalilluni illoqarfimmi piniartoqarfiusumi aalisarneq ingerlalluartoq piviusunngorpoq, Qaanaarlu ukiuni arlalinni piareersaasoqarlunilu misileraalluni aalisartoqareersoq aalisartoqarfinngortillugu nutaaq.

Allaaserineqartoq tamaat Tamanut Avannaanimi atuarneqarsinnaavoq. Qaasuitsup Kommuniani pisartut allat aviisimi aamma atuarneqarsinnaapput. Aviisi akeqanngitsumik ataani aaneqarsinnaavoq:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER