Issittumi illersorneq
Qaammataasaq Ulloriaq 2017-imi tingissaaq
Illersornissaqarfiup qaammataasaa siulleq Ulloriamik taaguuteqarpoq
Illersornissaqarfik Jyllandip avannaani suliffeqarfik Gomspace peqatigalugu qaammataasamik mikisumik ineriartortitsillutillu avataarsualiartitsissapput, taanna Kunngeqarfiup Kalaallit Nunaannut pisinnaatitaaffimminik naqissusiiniarneranut atorneqassaaq.
Qaammataasaq nano-satellitimik taagorneqartoq, 2017-ip naanerani avataarsualiartinneqassasoq naatsorsuutigineqarpoq.
Danskit inuussutissarsiornermut blogiat ataasinngornermi taama allappoq.
Arctic Business Networkimi atuaruk: En stjerne fødes
Qaammataasaq illersornissaqarfiup siullerpaamik pisaassaa, Ulloriamik taaguuserneqarpoq.
Anginngitsoq
Ulloriaq antenneminik pingasunik imaatigut umiarsuit aamma silaannakkut timmiartumik angallanneq qeqertaq tamaat qulaallugu nakkutilliissaaq. Qaammataasaq mikisunnguuvoq: Taamaallaat 10 cm x 20 cm x 30 cm.
Ulloriaq nunarsuarmit 700 aamma 800 kilometerisut qutsitsigisumi kaaviiaassaaq, Nunarput akunnerit 24-t ingerlaneranni 16-eriarlugu qulaattassallugu.
Danskit nalunaarusiaata nutaap maajimeersup kajumissaarutigaa, Illersornissaqarfiup Issittumi attaveqarfini nukittorsassagai.
Atuaruk: Nalunaarusiaq nutaaq: Danmarkip Issittoq aamma Kalaallillu Nunaat aallunnerusariaqarpai