Qaammataasakkut attaveqaatilinnut internet pitsaanerulersinneqassasoq
Tele Greenland ukiuni pingasuni tulluttuni qaammataasakkut attaveqaatilinnut internetsimik pitsaanerulersitsiniarpoq
Suliffeqarfiup Namminersorlutik Oqartussanit pigineqartup qaammataasakkut attaveqaatillit pitsaanerusumik internetseqalernissaat siunniussimavaa.
Qaammataasakkummi attaveqaatillit makkua pitsaasumik internetteqalersinniarlugit attaveqaatinik ukiuni tulliuttuni pingasuni ineriartortitsisoqarnissaa Tele Greenland A/S-imit siunniuneqarpoq:
2020 Tasiilaq
2021 Ittoqqortoormiit
2023 Qaanaap/Pituffiullu eqqaat, aatsitassarsiorfiit savaateqarfiillu
- Tasiilap eqqaani ukiaru sakkortusaaveqarfiliortoqassaaq antennenillu nutarsaasoqarluni. Taava aappaagu 2021-mi ukiakkut Ittoqqortoormiut tullinnguutissapput, tassani nutaamik sakkortusaaviliortoqassaaq. 2023-mi ukiakkut Qaanaaq eqqaalu tullinnguutissapput kiisalu aatsitassarsiorfinni savaateqarfinnilu attaveqarneq pitsaanerulissaaq, Tele Greenland tusagassiorfinnut nalunaaruteqarnermini ilisimatitsivoq.
- Imaatigut kabeli atulermat radiokædeqarfimmiullu 92 %-tii flatratimik neqeroorfigineqarsinnaalermata digitalip maligi Kalaallit Nunaannut angupput. Kalaallit Nunaanni attaveqarneq tamaat ataqatigiilersinniarlugu periarfissarsiorluni sulineq nanginneqassaaq. Anguniagarujussuarnik aallartitsisinnaagatta tulluusimaarpugut Kalaallit Nunaamiullu tamarmik siunissami pitsaanerusumik internetseqalernissaat qulakkeerumallugu, Tele Greenlandip siulersuisuini siulittaasoq Stine Bosse oqarpoq.