Puisit amiinik tunitsivinnik ammaaniarneq ajornartorsiutaasoq
Puisit amiinik tunitsivinnik nutaanik ammaanissamutatatillugu kommunit pitsaasumik suleqatigineqartutGreat Greenland naliliivoq. Amernilli tigooraavimmikammaaniarnermut atatillugu sullinneqarneqakuersaarneqarsinnaanngitsoq, aalisartut piniartullupeqatigiiffii isumaqarput.
Kalaallit Nunaani puisit amiinut tunitsiviit katillugit 34-upput, taakkunannga 13-it illoqarfimmiillutik 21-llu nunaqarfimmiillutik.
Great Greenland A/S-illu Namminersorlutik Oqartussani Aalisarnermut Piniarnermullu Naalakkersuisoqarfimmut 2023-mut kiffartuussinissamut isumaqatigiissutaa naapertorlugu puisit amiinik tunitsiviit 47-nut amerlineqarsinnaanerat isumaqatigiissutaagaluartoq, illoqarfinni nunaqarfinnilu init puisit amiinik tunitsivissatut atorneqarnissamut, soorlu imermik kuuinnartoqarnissaanut toqqorsiveqarnikkullu piumasaqaatinik naammassinnittut, pissarsiarinissaat suli maannanut annertuumik ajornartorsiutaammat, tunitsiviit ukioq manna 40-it missaat ammarneqarsinnaanissaat Great Greenlandimit naatsorsuutigineqarpoq.
Inuit ataasiakkaat imaluunniit sumiiffinni aalisartut piniartullu peqatigiiffisa Great Greenland suleqatigalugu puisit amiinik tunitsiviit ingerlattarpaat, tunitsivinnillu nutaanik ammaanissamut atatillugu aqqutissiuussinerit misissuinerillu Great Greenlandip kommunillu suleqatigiillutik ingerlattarpaat, suleqatigiinnerlu pitsaasutut nalilerneqarsinnaasoq, ammeriviup pisortaa Preben Møller oqarpoq.
Taamaakkaluartoq sumiiffiit ilaanni, soorlu Qeqertarsuarmi, puisit amiinik tunitsivimmik ammaaniarnermut atatillugu Kommune Qeqertalimmit sullineqarneq kigaappallaartumik ingerlanneqarpoq, tamannalu pissutigalungu ammaaniarneq ukiuni arlalinngortuni sulissutigineqaraluartoq ulloq manna tikillugu piviusunngortinneqarsinnaasimanngitsoq, Qeqertarsuarmi aalisartut piniartullu peqatigiiffiat isornartorsiuvoq. Aammali aammaniarnermut atatillugu siunnersorneqarneq pitsaanerusariaqartoq, Niaqornaarsummi puisit amiinik tunitsivimmik ammaaniartut isumaqarput.
