Puisit amiinik tigooraasut qaammaterpassuit akissarsineq ajortut
Puisit amiinik tigooraasut ilai qaammaterpassuarniakissarsiaqaratik sulisarput, tamannaluakuersaarneqarsinnaanngitsoq, InatsisartuniInuussutissarsiornermut Ataatsimiititaliami siulittaasoqisumaqarpoq. Ajornatorsiulli aaqqiiviginiarlugu suliniutitaallartinneqareersut, Great Greenland A/S-ip pisortaaneraoqarpoq.
Kalaallit Nunaani illoqarfinni nunaqarfinnilu puisit amiinik tigooraavinni 34-usut akornanni sulisut ilarpassui qaammaterpassuarni akissarsiaqaratik sulisarput, ajornartorsiullu ukiuni arlalinni eqqartorneqartaraluartoq, suli maannamut aaqqiivigineqarnikuunngitsoq, Savissivimmilu amernik tigooraasoq, oqarpoq.
Aviisi Sermitsiaq taama allaaserisaqarpoq.
Puisillu amiinik tigooraasunut atugassarititaasut aaqqiivigineqarnissaat siunertaralugu politikkikkut eqqartorneqartariaqartoq, Inatsisartuni Inuussutissarsiornermut Ataatsimiititaliami siulittaasoq, Marianne Paviasen, Inuit Ataqatigiit, oqarpoq. Ajornartorsiulli eqqumaffigineqartoq aaqqiissutissanillu suliaqartoqartoq, Great Greenland A/S-imi pisortaaneq Preben Møller erseqqissaavoq.
Akuersaarneqarsinnaanngitsoq
Puisit amii tunineqarsimasut Qaqortumi Great Greenlandip ammerivianut nassiunneqareeraangata nalilersorneqareeraangatalu, ammit qassit nassiunneqarsimasut najoqqutaralugu amernik tigooraasoq akissarsitinneqartarpoq.
Sumiiffinnili avinngarusimanerusuni annerusumik ukiukkut assartuinikkut ajornartorsiutit peqqutaallutik piffissami sivisuumi puisit amii Qaqortumut nassiunneqarsinnaaneq ajorput, taamaattoqartillugulu amernik tigooraasut piffissami sivisuumi akissarsitinneqarneq ajorput.
Olennguaq Kristensen siorna oktobarimi Savissivimmi puisit amiinik tigooraasunngorpoq, qaammatillu tallimat missaanni akissarsiaqarani sulereerluni, ammit nassiussimasamasani amerlassusaat najoqqutaralugu martsip qeqqata missaani 2.400 koruunit missaannik akissarsivoq.
Piffissamilu inuuniarnikkut atukkat akitsoriartorfianni qaammatinilu arlalinni akissarsiaqarani sulisariaqartarneq akuersaarneqarsinnaanngitsoq, taanna oqarpoq.
Allaaserisaq tamaat Sermitsiami uani sapaatip akunnerani saqqummersumi atuaruk. Uani isissutissarsigit: