misissuineq

Pualanerujartuinnarpugut

Inuit pualavallaartut ernumanaqisumik sukkaqisumillu amerliartortut innuttaasut peqqissusaannik misissuinerup kingulliup takutippaa

Innuttaasunik misissuinerup nutaap takutippaa, Kalaallit Nunaanni pualavallaat amerliartortut

Innuttaasut peqqissusaat pillugu oktobarip 7-ani 8-anilu Katuami ataatsimeersuartoqarmat 2014-imi innuttaasut peqqissusaannik misissuinermi kingullermi inernerit Naalagaaffiup Innuttaasut Peqqissusaannut Ingerlatsivimmi ilisimatuup Peter Bjerregaardip saqqummiuppai. Inernerit takutippaat ilaatigut pualavallaartut suli amerliartortut imigassamilli atuisut pujortartartullu ikiliartorlutik.

Imigassamik tupamillu atuinermut atatillugu inernerit Peter Bjerregaardip nuannaarutigai pualavallaartulli amerliartornerat annertuumik ernumanartoqartillugu.

Nerisariaatsit allanngortut
– Pualavallaarneq assigiinngitsut marluk atorlugit uuttortarneqartarpoq. Aapparaa BMI (Body mass indeks) aappaalu qitikkut. Misissuinerit takutippaat taakku marluullutik annertusisimasut 1993-milu misissueqqaarnitsinniit annertusisimallutik. Assigiimmik qaffariartorsimapput ilami sukkaqisumik ernumaqisumillu qaffariartorlutik, aammalu arnat angutillu puallariartorput. Arnani angutinilu nerisaqariaatsit oqaaseqarfigisinnaanngilakka, kisianni arnat angutillu puallarsimapput arnallu amerlanerit angutiniit pualavallaarnerullutik.

Peter Bjerregaard isumaqarpoq nerisat peqqutaasimassasut misissuinerup takutimmagu neriaatsit allanngorsimasut timilu aalatinnginneqarnerulluni.

Allaaserisaq tamaat Sermitsiaq normu 42-mi atuaruk. Aviisi pisiniarfimmi imaluunniit uani ataani tuugassaq toorlugupisiarisinnaavat:

Powered by Labrador CMS