Skip to main content

Psykiateri qaratsamigut ajoqusersimasoq IA-mit isumakulunnartinneqarpoq

Psykiateri qaratsamigut ajoqusersimasoq nunatsinni katillugit sapaatip akunneri qulingiluat sulisimasoq saqqummiunneqareersorlu, Inuit Ataqatigiit psykiaterip sulisimanera pillugu paasisaqarnerorusulerput

Peqqissutsimut naalakkersuisuungallartup uppernarsareeraalu psykiateri qaratsamigut ajoqusersimasoq, piffissamilu sivitsortumi danskit tusagassiuutaanni sammineqartarsimasoq, nunatsinni aamma sulisimasoq, Inuit Ataqatigiit psykiaterip nunatsinni sulisimanera pillugu paasisaqarnerorusulerput.

Inuit Ataqatigiit Inatsisartuni ilaasortaatitaata, Aaja Chemnitz Larsenip, paragraf 37 naapertorlugu apeqqutaanut, peqqissutsimut naalakkersuisuungallartoq Siumumeersoq Martha Lund Olsen, sapaatip akunnera kingulleq akissuteqaammini uppernarsarpaa psykiateri qaratsamigut ajoqusersimasoq Dronning Ingridip Napparsimavissuani tarnikkut nappaatilinnut immikkoortortaqarfimmi taartaalluni katillugit sapaatip akunnerini qulingiluani 2005-imiit 2006-imut sulisimasoq. 

IA: Psykiateri aamma Kriminalforsorgenimut sullissisimanerluni?
Maanna Inuit Ataqatigiit Folketingimi ilaasortaatitaat, Johan Lund Olsen, paasisaqarusulerpoq psykiateri qaratsamigut ajoqusersimasoq Dronning Ingridip Napparsimavissuani taartaasimanermi saniatigut, aamma Kriminalforsorgenimut sullissisimanersoq.

Taamaaliorpoq danskit inatsisinik atortitsinermut ministerianut Socialdemokraatineersumut Mette Frederiksenimut apeqquteqaateqarnermigut.
 
- Peqqissutsimut naalakkersuisuungallartoq Martha Lund Olsen Inatsisartuni paragraf 37 naapertorlugu apeqqummut akissuteqarluni uppernarsarpaa psykiateri qaratsamigut ajoqusersimasoq nunatsinni minnerpaamik sapaatip akunnerini qulingiluani piffissami 2005-imiit 2006-imut sulisimasoq. Ministeri peqquneqarpoq nassuiaateqaqqullugu psykiateri qaratsamigut ajoqusersimasoq aamma nunatsinni Kriminalforsorgimik suleqateqarsimanersoq?

Taama Johan Lund Olsen danskit inatsisinik atortitsinermut ministerianut apeqquteqaateqarpoq.

Sullitarisimasai qassiunersut ilisimaneqanngilaq
Inuit Ataqatigiit Inatsisartuni ilaasortaatitaata Aaja Chemnitz Larsenip ilisimatitsissutigaa nunatsinni napparsimasut qassit psykiaterimit qaratsamigut ajoqusersimasumit nakorsartissimanissaat nalunartoq.

- Tamannali pillugu ullumikkut Naalakkersuisunut apeqquteqaateqarpunga, Aaja Chemnitz Larsen ilisimatitsivoq.

Aaja Chemnitz Larsenip paasissutissiinera naapertorlugu manna tikillugu napparsimasut 33-it Danmarkimi kukkusumik nakorsarneqarsimanerminnut taarsiiffigitissimasut, 1.000-it sinneqartut nutaamik naliliiffigineqarnissaminnut periarfissinneqarsimapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER