Skip to main content

Professori: Tulleriaattunik qaangiineq pissaanermik atornerluineruvoq

Borgmesteri Charlotte Ludvigsen atorfilittanilu Nuummi akiuussutissalersuisoqarmat tulleriaattunik qaagiingamik ingerlatsinermut inatsimmi malittarisassanik unioqqutitsipput, professori naliliivoq.

Borgmesterip atorfilittallu peqqinnissaqarfimmi sulisut pingaarnersiuinerannik malinninnatik coronamut akiuussutissalertinniarlutik utaqqisut qaangiinnarlugit akiuussutissalertissimanerat ingerlatsinermut inatsimmi malittarisassanik unioqqutitsineruvoq, pissaanermillu atornerluinertut oqaatigineqarsinnaalluni.

Taamatut naliliivoq Sten Bønsing, Aalborg Universitetimiittumi Juridisik Institutimi professoriusoq.

Kommuneqarfik Sermersuumi borgmesterip Charlotte Ludvigsenip (IA) atorfilittanilu Nuummi innuttaasut akiuussutissalertikkiartorlutik tulleriaattut qaangiinnarlugit immikkut sullinneqarsimanerat Sermitsiaq.AG-p Sten Bønsingimut saqqummiussimavaa.

- Tamanna arlaatigut pissaanermik atornerluineruvoq. Borgmesterip imminut pisinnaatinneranut pingaarnersiuinermillu avaqqussisinnaatinneranut tamanna takussutissaavoq, Sten Bønsing Sermitsiaq.AG-mut oqarpoq.

Sioorasaarisoqarsimaneraaneq ilisarinnginneraraat

Akiuussutissalersuinermik ataqatigiissaarisup anna Wangenheimip ilanngullugu oqaatigaa, atorfilittap ataatsip atorfillit pingasut borgmesterilu akiuussutissalerneqanngippata, kommunip akiuussutissalersuinermut ikiuunnera atorunnaarsinniarlugu sioorasaarutigisimagaa. 

Kommunimiilli atorfilittat borgmesterillu akiuussutissalerneqarnissaat pillugu sioorasaarisoqarsimanngitsoq oqaatigineqarpoq. Kommunimit oqaatigineqarpoq, sakkortuumik oqaluttoqarsimasoq, akiuussutissalersuinerulli aaqqissuussaaneranik naammaginninnginneq tassani pineqarsimalluni.

AAMMA ATUARUK: Wangenheim: Atorfilik akiuussutissalertinniarluni kimigiisersimavoq

Charlotte Ludvigsenip aamma KNR-mut oqaatigisimavaa, atorfillit Anna Wangenheim kimigiiserfigisimagaa ilisimanagu.

Sten Bønsingili naapertorlugut, borgmesterip tulleriaattut qaangiinnarlugit immikkut sullinneqarnera pissaanermik atornerluinertut suli oqaatigineqarsinnaasoq - tassa atorfillip akiuussutissalersuinermik ataqatigiissaarisumut kimigiisersimanera ilisimanngikkaluaruniulluunniit.

Professori: Pillaatissiissutigineqarnissaa ilimananngilaq

Professorip tamatumunnga pissutaanerarpaa, borgmesterip atorfilittallu akiuussutissalersuinermik ataqatigiissaarisup akiuussutissalertittussanik pingaarnersiuineranik avaqqussisimanerat.

- Ingerlatsinermut inatsimmi malittarisassanik suli unioqqutitsineruvoq, Sten Bønsing oqarpoq.

Pisimasoq ingerlatsinermut inatsimmi malittarisassanik avaqqutsinerusimagaluartoq, Sten Bønsingip nalileruminaatsippaa, pisimasoq borgmesterimut qanoq kinguneqartinneqarsinnaanersoq:

- Borgmesteri pineqartillugu nalileruminaattuaannarpoq. Pisoq ima ilungersunartigissaaq, allaat pillaatissiissutaasussaassalluni. Matumanili pisimasoq ilungersunartupilussuunngimmat pillaatissiissutigineqarnissaa ilimananngilaq, Sten Bønsing oqarpoq.

Atorfilittanut tunngatillugu Sten Bønsingip oqaatigaa, pisimasoq atorfilittanut kinguneqartinneqassanersoq kommunip sulisitsisutut naliliiffigisussaagaa.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER