Skip to main content

Professori: Quersuarmiittut amerlanaarneqarpata tamanna sinneqartoorutinut sunniuteqassaaq

KNI A/S-imi sulisuusimasut marluk selskabimi namminersorlutik oqartussanit pigineqartumi tassani qullersat unnerluutigaat ukiuni arlalinni ingerlatsiviup quersuarmiittuutitaasa nalingannik peqquserluttarsimasutut. Unnerluutiginninnerat ilumoorpat tamanna nassuiaataaqataasinnaavoq sooq KNI A/S 2014-imiillli ukiumut angusaqartarsimanersoq angusat marloriaatinngungajallugit

Professor Kim Klarskov Jeppesenip, Copenhagen Business Schoolimi Institut for Regnskab-imeersup, KNI-p qullersaanut unnerluussutit oqaaseqarfigiumanagillu oqaaseqarfigisinnaanngilai KNI-mi pissutsit ilisimannginnamigit, naatsorsuusiornikkulli periutsit immikkoortui nassuiarusuppai, quersuarmiittuutitat nalingat tamakkualu naatsorsuutinut sunniutaat eqqarsaatigalugit.

Nalinginnaalluinnartumik Kim Klarskov Jeppesen oqarpoq, kukkunersiuisut »nalinginnaasumik quersuarmiittuutitat nalingisa misileqqinnissaat annertuumik samminiartaraat, pissutigerpiarlugu tamakkunuunatigut naatsorsuutitigut uukaaatitsinissaq ajornannginnerpaasarmat«.

– Quersuarmiittuutitat amerlanaarneqarpata taakkua nalingannik naatsorsuutit pitsanngoriassapput. Qullersallu angusat malillugit akissarsiaqartinneqarpata, tamanna pissutigalugu quersuarmiittuutitat annaarlugit naatsorsuutinut ilanngunnissaannut tunngavissaqarput, professor Kim Klarskov Jeppesen oqarpoq.

KNI A/S-ip pisortaanera Peter Grønvold Samuelsen angusat malillugit akissarsiaqartitaanngilaq, bonusinilli pissarsisinnaavoq, selskabip naatsorsuutaani kingullerni allassimavoq.

– Qullersat bonusisitinneqarsinnaapput, ukiumut akissarsiat 10 procentiat angullugu annertutigisinnaasumik, KNI-p 2019/2020-mut naatsorsuutaanut allakkiami allassimavoq. Taamaasilluni ukiumi naatsorsuusiorfiusumi kingullermi pisortaaneq 307.000 koruuninik bonusisiaqarsimavoq, aalajangersimasumik akissarsiami (pension ilanngullugu, aaqqiss.) 3.468.000 koruunit saniatigut. Ukiup siuliani 290.000 koruuninik bonusisiaqarsimavoq.

Atuaruk suliarlu pillugu allaaserisat arlallit uani sapaatip-akunnerani Sermitsiami atuakkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER