Professori: Aalisartut ikilineqarlik

Mittarfiliortitertoqarnissaanik aalajangertoqareersoq unammillernartunik takkuttoqarpoq. Tassami sulisinnaasunik amigaateqartoqarpoq, tamannalu Aningaasaqarnermut Siunnersuisooqatigiinnit Hotel Hans Egedemi seminarertitsinerani iserfigineqarpoq

Aningaasaqarnermut Siunnersuisooqatigiinnit Søren Bjerregaardip suliffissaaleqinerup ukiuni kingullerni apparnera saqqummiuppaa.

- Sulisorineqarsinnaasut amigaatigilluinnarneqartut Sulisitsisunit oqariartuutigineqareerpoq, Søren Bjerregaard naqissusiivoq.

Sulisut qanoq amerlineqarsinnaanersut ilaatigut saqqummiinermini eqqartorpai.

Sulisinnaasut amerlanerit
Innuttaasut amerlanerusut ilinniagaqarnissaat ilaatigut siunnersuutigaa, kisitsimmi Sulisitsisunit takutippaa ilinniagaqarsimanngitsut akornanni 10 procentiinnaat suliffissaaleqisuusut. Ilinniagaqarsimasut akornanni suliffissaaleqisut 0,6 procentimiippoq.

Illoqarfinnut suliffissaaleqiffiusunut nuussinnaaneq ajornannginnerusariaqartoq aamma Søren Bjerregaard oqarpoq. Taamaattumik nuutsitsinissanut aningaasaliisoqartariaqartoq, aamma qanoq isiornikkut pitsaanerusumik iliortoqarsinnaanersoq ujartuisoqartariaqartoq siunnersuuteqarluni.

Aaqqissuusseqqinnerit
Sulineq akilersinnaasariaqarpoq. Atugarissaarnerup iluani aaqqissuusseqqittoqartariaqarpoq, tassani akileraarutit tungaatigut aamma aaqqissuusseqqittoqartariaqarluni, siunnersuuteqarpoq.

Pisortat suliffeqarfiini 10.000-it sulipput, aalisarnerup iluani 4.000-itit sulillutik. Aalisakkat akiisa qaffariarsimanerat pissutaalluni aalisakkanik tunngasunik sulisut amerleriaateqarsimapput. Tamanna pitsaasuugunaraluarpoq, taamaattorli inuusuttut ilinniagaqarsimanngitsut aalisarnerup tungaanut suliaqalersut inuiaqatigiinnut eqquisinnaapput.

Nunani allani aalisarnerup tungaatigut killormut ingerlasoqarpoq, tassami aalisarnerup tungaatigut suliaqartut ikiliartuinnavipput.

Aalisarnermut inatsit
Tassami siunissami teknologi atorlugu aalisakkat suliarineqariartuinnavittussaapput. Kalaallit Nunaata teknologimi siunissami malinnaasinnaanera professorimit professor Claire Armstrongimit apeqquserneqarpoq.

Politikkerinit anguniarneqartoq, tassa aalisarnermut inatsisip nutarterneqarnissaanik suliniut, professorimit isumaqatigineqanngilaq.

Powered by Labrador CMS