Skip to main content

Professori mianersoqqusisoq: Naligiinnginnerup annertusisinnaanera mianerisassaavoq

Aningaasaqarneq ingerlalluarpoq, Kalaallilli Nunanni aaqqissuusseqqittoqanngippat inuiaqatigiit ilarpassui kinguussaassapput, ikittuinnaallu iluanaruuteqarlutik

Aningaasaqarnermut Siunnersuisoqatigiit siulittaasuat, aningaasaqarnermi professori Torben M. Andersen, siunnersuisoqatigiit Nuummi Hotel Hans Egedemi arfininngormat ukiumoortumik ataatsimeersuarmarta taamata oqariartuuteqarpoq.

- Nunanit allanit aningaasaqarnikkut ingerlalluarfiusuni tamanna atuuttartoq ilisimavarput, tassa aningaasaqarnikkut ingerlalluarnermik ikittuinnaat iluanaaruteqartarnerat, Torben M. Andersen Sermitsiaq.AG-mut ilisimatitsivoq. Taamatut pisoqaraangat pissanganartorsiortoqalersarpoq, eqqissiviilliortoqalerluni perulluliortoqalerlunilu. 

Siunnerfiit marluk

- Iliuuserisinnaasat marluupput. Akissaqarnermi pisariaqartinneqartunik aaqqissuusseqqittoqarsinnaavoq, innuttaasut tamarmik taamaalillutik inuiaqatigiinni aningaasaqarnikkut ingerlalluartoqarnera iluaqutigisinnaassavaat, Aningaasaqarnermut Siunnersuisoqatigiinni siulittaasoq nassuiaavoq.

- Akerlianik tamatumunnga tunngatillugu aalajangiinngittoortoqarsinnaavoq, aalajangernertut taaneqarsinnaagaluartoq, taamaalisoqarpat ingerlalluartoqarnera ikittuinnarnut iluaqutaassaaq. Tamatumalu malitsigisaanik nunanit allaneersut qaffasinnerujussuarnik aningaasarsisartut sulisorineqartutut misinnarsisarpoq, professori itisiliivoq.

Taassuma oqaatigaa, imminut napatittumik aningaasaqassaqarnissaq kissaatigigaanni aaqqissuusseqqittoqartariaqartoq.

- Imminut napatinnerunissaq kissaatigigaanni inuiaqatigiinni naligiinngitsumik atugaqartitsineq annikillisinneqarsinnaavoq, Torben M. Andersen oqarpoq, oqaluuserineqartaqisorlu alla ilanngullugu eqqaallugu: nunaqarfinniit illoqarfinnut nutserneq.

Nunap immikkoortuini naligiinngitsumik atugaqarneq

- Nunap immikkoortuini naligiinngitsumik atugaqartoqarnerata isiginiarneqarnissaa aamma pingaaruteqarpoq, Torben M. Andersen oqarpoq, innersuussutigalugulu nunaqarfinni najugaqartut ikiliartuinnarnerat, pingaartumimmi inuusuttut uteqqittussaajunnaarlutik illoqarfinnut nutsermata.

- Ukiut ingerlaneranni nunaqarfinni najugaqartut utoqqaannanngoriartulersimapput, tamannallu ajornartorsiutinik annertuunik nassataqartussaavoq. Aap iliuuseqartoqanngippat, taamatut ineriartortoqarnera ingerlaannassaaq, Torben M. Andersen arfininngormat oqallittoqarnerani oqarpoq, erseqqissaatigalugulu najugaqariaaseq kulturikkut atugaqarnerup ilaanut pingaarutilittut ilaasoq paasisinnaallugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER