Prinsesse Benedikte Tasiilami atuartunit nunatsinneersumik tunineqartoq
Tasiilami Alivarpimmi atuartut aamma Gentoftemi atuartut katillugit 40-t Prinsesse Benedikte Amalienborgimi ullumi pulaarpaat. Pulaartut qaaqqusisumut prinsessemut nunatsinniit qungasequtinik tunissuteqarput.
Prinsesse Benedikte Tasiilami Alivarpimmit aamma Gentoftemi meeqqat atuarfiannit atuartunit katillugit 40-nit ullumi pulaartoqarpoq.
Prinsessep pulaartut ataasiakkaarlugit assammillugit tikilluaqquai. Tasiilami Gentoftemilu atuartut ilassinnillutik sikinissamut ilinniarsimapput.
Tasiilami atuartut ileqqoq malillugu tunissuteqarput. Prinsesse Benedikte qungasequtinik Isaksens Designimeersunik ukioq manna tunineqarpoq. Prinsessep tamanna qujamasuutigaa. Pulaarnermit assit allaaserisap qulaani takusinnaavatit.