Præsidentip tikeraarnera: Bendo Gujolu Falkeordenimik nersornaaserneqartut
Islandimi præsidenti ataasinngormat Nuummut tikeraarluni tikippoq
Islandimi præsidenti, Gudni Th. Johannesson, ataasinngormat Reykjavikkimiit Nuummut timmisartumik tikippoq.
Kalaallit Nunaata illoqarfittut pingaarnersaanni ataatsimeeqatigiinnissarpassuarnik assigiinngitsunullu takuniaanissarpassuarnik pilersaarutit ulikkaavipput.
Præsidenti Naalakkersuisut Siulittaasuannik Kim Kielsenimik naapeqateqassaaq, Nunatta Katersugaasivianut Allagaateqarfianullu, Inatsisartunut Ilisimatusarfimmullu pulaassaaq. Præsidentip ilaatigut pingasunngorpat Kofoed Skole Royal Artic Linelu pulaassavai.
Præsidentip, Bendo Thorsteinsson Gujo Gudmundur Thorsteinssonilu, Islandip Kalaallillu Nunaata akornanni inuit suleqatigiinnerunissaannik siuarsaanerat pillugu Falkeordenimik Hans Egedep Illuani nersornaaserpai.
Falkeordenen tassaavoq, præsidentip qaffasinnerpaatut nersornaasiussinnaasaa.
Kunngi Christian X. aamma dronning Alexandrine 1921-mi aasakkut Islandimut tikeraarmata, Islandimi Falkeordenip pilersinneqarnissaanissaa pillugu kunngip allagaa tunniunneqarpoq, 1921-mi juulip pingajuani Reykjavíkimi atsiorneqartoq.
Nersornaammi kissaviarsuk assitaliunneqarsimavoq, kunngillu allagaani ilaatigut allassimalluni: Eqqortuusorisimavarput, angutit arnallu, nunatsinneersut nunanillu allaneersut, nunagisamik ataqqinaataannik atugaannillu pitsanngorsaaniarlutik arlaatigut allanit iliuuseqarnerunissamik siunertaqartut, pisortatigoortumik nersornaammik “Den islandske falk”-imik taarusutatsinnik tunineqarnissaat. Islandimi kunngi falkeordenimik tallimanik graditalimmik stormesterit siullersarivaat, Islandimi præsidentip nittartagaani allassimavoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...