PPK kaammattuivoq: Peqqissaasut sooq suliunnaarnersut misissorneqarli
Peqqinnissaqarfimmut ilungersunartuuvoqpeqqissaasutut ilinniarsimasunit 200-t suliaqqimassimammassuk, Peqqinnissaq Pillugu Kattuffiitsiulittaasuat Ken Jensen isumaqarpoq.
Peqqinnissaq Pillugu Kattuffiit siulittaasuata Ken Jensenip peqqissaasutut ilinniakkap nukittorsarneqarnissaa kissaatigaa, tassami peqqinnissaqarfimmi peqqissaasut ilinniarsimasut pisariaqartinneqartut pigineqarsinnaalersikkumallugit.
Aviisi Serrmitsiaq taama allappoq.
– Ilungersunartuuvoq Kalaallit Nunanani peqqissaasutut ilinniarsimasut affaat amingaatigigatsigit. Soorlu 70-t pineqaraluarpata taava pissutsit allarujusssuussagaluarput tassami ilai suli atorfeqarsimassammata imaluunniit paarlattaasartutut sulissagaluarmata, taakkumi peqqinnissaqarfimmi sukataareeqisumi iluaqutaasorujuusssagaluarput, Ken Jensen oqarpoq, peqqissaasullu sooq peqqinnissaqarfimmi suliunnaarsimanersut misissorneqarnissaa kissaatigalugu.
– Taakkunannga 20-t apersorneqarsinnaapput, qanoq ilioraanni suliaminnut uteqqissagaluarnersut paasiniarlugu, soqutiginartupilussuuvoq paasissallugu, tassami sulilertinneqaqqippata, allatorluinnaq inissittoqassagaluarmat, Ken Jensen oqarpoq. Nammineq naluaa sooq peqqissaasut peqqinnissaqarfik suliffittut qimassimaneraat.
– Nalulluinnaqaarput sumut pisimanersut. Ilisimanngikkutsigulu taava ajornartorsiut iliuuseqarfigiuminaassaaq, qanoq pisoqarneranut paasissutissanik amigaateqarpugut. Tamannalu peqqinnissaq pillugu ataatsimiititaliarsuup isumaliuutissiissutaani aamma erserpoq, PPK-imi siulittaasoq oqarpoq
Sivikitsumik paarlattaasartut nukillaarsaataasut
Sulilersitsiniarnermi aamma attassiniarnermi assigiinngitsunik ajornartorsiuteqartoqarpoq.
– Peqqissaasut taamaatissimasut oqaloqatiginerini taajuarpaat, paarlatsinik nutaanik naapitsiuarneq nukillaarsaataasartoq, tamannalu ilaatigut peqqutigalugu peqqissaasutut suliunnaartartut. Aammali suliffimminni sunniuteqarpianngitsutut misigisarsimapput, aqutsisut aqutsinissaminnut piffissaqanngitsut, tasssami sulisussarsiornermut ulluinnarnilu ingerlatsinermi aaqqiissutissarsiortuartariaqaramik, Ken Jensen oqarpoq.
Sermitsiami sapaatip-akunnerani uani saqqummertumi paasisaqarnerugit. Uani isissutissarsigit:
