Porschep biilinik innaallagiaannartortunik nutaanik Tesla unammillerniaraa
Porschep biilinik innaallagiaannartortunik niuernermut ataasinngornermi appakaannera avammut saqqummernermi nalitoorujussuusoq, aqqissuisuuneq isumaqarpoq.
Ukiuni arlalinni piareersarnerup kingorna tyskit biililiortartut Porsche, biili innaallagiaannartortoq siulleq sanaartorlugu ataasinngornermi aallartippaa, taanna Taycanimik taaguuserneqarpoq.
Suliffeqarfik Stuttgartimeersoq maanna biilinik innaallagiaannartortunik niuerfimmut appakkaannera pingaaruteqartorujussuuvoq.
Bilmagasinetimi aaqqissuisuuneq, Mikkel Thomsager taama isumaqarpoq.
- Porschcep biilimik innaallagiaannartortumik saqqummiussinissamik aalajangernera, soorunami pimoorussinermik naqissusiivoq, taamatullu aamma aningaasarpassuarnik aningaasaliissutartut, kisianni aamma biilinik innaallagiaannartortunik sanaartulernermut allanngiriarneq sunniuteqarluarneruvoq, taanna oqarpoq.
Taycanip pilersinneratigut biilit innaallagiaannartortut akimarpaluttut niuffatigineqarneranni ilaalernissamik qulakkeerinninnissaq Porschep neriuutigaa, tamanna amerikamiut Teslap maannamut siuttuuffigaat.