Poorskikkunni sisoraatinik unammiuaartoqassaaq
Sangusaartartut peqatigiiffiat NS-84 sangusaarnermik soqutigisaqartunut tamanut siullermeersumik Nuuk Openimik aaqqissuussiniarpoq. Kikkut tamarmik peqataanissamut tikilluaqqusaapput.
Sangusaartartut peqatigiiffiat NS-84 sangusaarnermik soqutigisaqartunut tamanut Nunatsinnilu sangusaartartut peqatigiiffiinut tamanut maanna ilisimatitsissuteqarpoq, NS-84 siullermeerluni soqutiginnittunut tamanut Nuuk Openimik aaqqissuussiniartoq.
Tassa meeqqanut, inuusuttuaqqanut inersimasunullu poorskikkunni 2021-mi apriilip aallaqqaataanni, aappaanni pingajuannilu aamma sila ajussagaluarpat sapaat apriilip sisamaat periarfissaralugu.
Tamatumunnga patsisaalluni Sisorartartut Peqatigiiffiata Sangusaarnermut ataatsimiititaliaata Sangusaarnermi GM-ertoqarnissaa covid-19 patsisigalugu ukioq manna taamaatiinnarmagu.
Taamaalilluta NS-84-ip ilaasortaasa allallumi sangusaartartut piumassuseqarnerat
attatiinnarumallugu poorskikkunni Nuuk Open aaqqissuunniarlugu aalajangiukkatsigu, Lars
Falksen NS-84-imeersoq taama nassuiaavoq.
Sineriammiit kikkut tamarmik peqataasinnaasut
Unammisaqattaarnissanut illoqarfinnit allanit peqataaniarlutik nalunaarsimasut massakkut 15-it missaanniipput. Nuuk Openimut peqataasussat sinerissameersut ilanngullugit 70-it
missaanniissasut naatsorsuutigaarput, Lars Falksen ilisimatitsivoq.
Kikkut tamarmik Nuuk Openimut peqataasinnaapput, NS 84-imut ilaasortat, peqatigiiffinnut allanut ilaasortat aamma soqutiginnittut allat (sangusaartartutoqqat ilaalu ilanngullugit).
Tamakku saniatigut soqutiginnittunut nutaanut sisoraateqanngitsunut sisoraatit qulit
majuartaammullu kortit isumaginiarpavut, taamaalillutik akeqanngitsumik sisoraatinik atorsinnaallutik majuartaammullu kortissaqarmata ulluni taakkunani, Lars Falksen oqarpoq.
Illoqarfiup avataaneersunut nalunaarfissaq kingulleq tassaavoq marsip 22-at Nuummillu
peqataaniartunut nalunaarfissaq kingulleq tassaalluni marsip 29-at.
Illoqarfiup avataaneersunut nalunaarfissaq kingulleq tassaavoq marsip 22-at Nuummillu
peqataaniartunut nalunaarfissaq kingulleq tassaalluni marsip 29-at.
Illoqarfiup avataaneersunut nalunaarfissaq kingulleq tassaavoq marsip 22-at Nuummillu
peqataaniartunut nalunaarfissaq kingulleq tassaalluni marsip 29-at.
Pilersaarutit imaapput:
Sisamanngorneq 01. april Sangusaapiloorneq
Tallimanngorneq 02. april Sangusaarneq
Arfininngorneqvv 03. april Marlukkaarluni sangusaarneq
Sapaat 04. april Ulloq nuutsitsiviusinnaasoq
Nuuk Open ilaatigut #AALASA-mik suliniummit taperserneqarpoq.
NS-84 Nuuk Openimik aaqqissuussiniarluni coronap allaffeqarfianut qinnuteqaammik
nassiussisimavoq sapaatip-akunneranilu matumani akuersissuteqarfigineqarluni akissutisinissaminik naatsorsuutiginnilluni.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...