Politimesteri mattusimaffik pillugu: Najugaqarfiat mattusimanissamut sanaajunngilaq
Nappaalanersuaqarneranut Ataatsimiititliami siulittaasup politimesterip Bjørn Tegner Bayip oqaluttuaraa, timmisartoqarfiliorlutik sulisut najugaqarfiata aaqqissuussaanerata ilaatigut ernumanartortaqarnera pissutigalugu mattusimaffissamik atuutsitsilertoqarsimasoq.
Nuummi suliffeqarfimmi sulisut coronamik tunillatsissimasut tallimanngornermi misissorteqqittussaapput. Misissortissimanerannit paasissutissat ullup ingerlanerani kingusinnerusukkut saqqummiunneqarnissaat naatsorsuutigineqarpoq.
Nunatta Nakorsaanerata siusinnerusukkut ilisimatitsissutiginikuuaa, sillimaniarnissaq eqqarsaatigalugu sulisut tallimanngormat kingullermik misissorteqqaarnerat naammagineqanngitsoq, sapaatilli akunnerata qaangiunneqarni misissorteqqinnissaminnut mattusimatinneqassasasut.
Sulisulli misissorteqqeriarlutik allamukartaqqilernissaannut ulloq ataasiinnanngortoq, Nappaalanersuaqarneranut Ataatsimiititaliap mattusimaffissaq atuutsilersippaa.
Sanaartukkaminnik suliaqarsinnaasut
Sulisut mattusimaffimmiittut tamarmik najugaqarfigisamik Nuummilu timmisartoqarfiliap avataanut anillaqqusaanngillat.
Nakorsat politiillu naliliisimanerat tunngavigalugu inerteqquteqartoqarpoq, Nappaalanersuaqarneranut Ataatsimiititaliami siulittaasoq, Politimesteri Bjørn Tegner Bay ilisimatitsivoq.
Sulisut mattusimatinneqannginnerminni najugaqarfimminnit sanaartorfimmut ingerlasinnaatitaapput.
Sanaartornerup qaqugu nangeqqinneqarnissaa nalunartoq
Kalaallit Airportsimi pisortap Jens Lauridsenip Sermitsiaq.AG-mut ilisimatitsissutigaa, sanaartoneq qaqugu nangeqqinneqassanersoq suli nalunerarlugu.
Taassuma erseqqissaatigaa, mianersornissamik tunngaveqarneq malillugu mattusimasarfimmik atuutsitsisoqalersimasoq.
- Najugaqarfimmi sulisut imminnut tunillaassuukkunnaarnissaat eqqarsaatigalugu najugaqarfiup aaqqissuussaanera qularutigiuartillutigu, mattusimaffik atuutsiinnarniarparput, taanna Sermitsiaq.AG-mut oqarpoq.
Mattusimaffik atuutiinnassasoq
Sulisut ullumi tallimanngornermi misissorteqqinneranni peqqisseqqissimagaluarpataluunniit, politimesterip neriorsuutigisinnaanngilaa mattusimaffiup atorunnaarsinneqarnissaa.
Taassuma oqaatigaa, timmisartoqarfiliornermi sulisussat nutaat suli tikittartussaasut, taakku coronamik tunillatsissimannginnerminnut uppernarsaammik takutitsinissamik tungaanut tikinnerminni ulluni tallimani mattusimasartussaapput. Najugaqarfimmi suleqatiminnik tunillaasinnaatillutik mattusimasinnaanngippata, mattusimasarfik atorunnaarsinneqarsinnaanngilaq.
- Najugaqarfimmi tuniloottoqaqqilersinnaanera ernumanartuartillugu mattusimasarfiup atuutiinnarneqarnissaa pisariaqartoq isumaqarpugut, Bjørn Tegner Bay oqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...