Politimesteri atorfimmini ingerlaqqippoq

Bjørn Tegner Bayip nammineq atorfini qinnuteqarfigaa - pissarsiaralugulu

48-nik ukiulik Bjørn Tegner Bay 2010-mi Nunatsinni politimesteritut atorfinippoq ukiunut tallimanut killilikkamik ukiunik pingasunik sivitsorneqarsinnaasumik atorfeqarluni. Ukiut arfineq pingasunngormata atorfia inuttassarsiuteqqinneqarpoq malittarisassat malillugit taamatut pisoqartussaammat.

Bjørn Tegner Bay qinnuteqaqqissimavoq, AG taama allaaserisaqarpoq.

- Atorfimmut qinnuteqaqqinninermut tunngaviuneruvoq Kalaallit Nunaanni najugaqarusunnerugama politiinilu sulerusullunga. Tallimanik ukioqarlunga maanga nooqqaarpunga meeraanerma ilarujussua aammalu inersimasutut inuunerma sivisunersaa tamaani najugaqarpunga. Ulluinnarni attavigisakka maaniipput. Aamma umiatsiamik angalaarneq, pinialunneq aalisarnerlu nuannarilluinnartuuakka. Taamaattumik nangaassuteqarnera atorfimmut qinnuteqarpunga, Bjørn Tegner Bay oqarpoq.

Bjørn Tegner Bay nutaamik killilikkamik atorfinippoq.

Politimesteri aamma pilersaarutai pillugit AG-mi paasisaqarnerusinnaavutit:

Powered by Labrador CMS