Skip to main content

Politikkimut uteqqippoq: Taamaammat qinigassanngortippunga

Inuit Ataqatigiit pappialami taasivissami tupaallatsitsissutissaqarput. Ukiuni marlunni saqquminngereerluni IA-mi taaguunneqarnerpaasimasut ilaat naalakkersuinikkut suliaqaqqinnissamut piareerpoq.

Asii Chemnitz Narup piffissami nipaalluinnarsinnarluni qaammatit marluk matuma siorna politikkikkut oqallinnermut akuliutillattaaleqqippoq, Siumup politikkia aqutsinikkullu ajornartorsiornera pillugit isornartorsiortumik allagaqartalerluni.

Taama pisoqarnerata ullut arlallit matuma siorna AG tassunga attaveqarneranik kinguneqarpoq.

- Politikkimut uteqqinnissat Inatsisartunullu qinigassanngortinnissat isumaliutigineqarpoq. Aalajangerpit?

– Aap, aalajangerpunga. Qinigassanngortippunga. Ukiuni kingullerni ineriartorneq sorpassuartigut isumatsannarpoq. Tamanna meeqqama ernuttamalu siunissaat pineqartillugu ingiinnarlunga isigisinnaanngilara, Asii Chemnitz Narup taama akissuteqarpoq. 

Qinigaalluartartoq

Taamaalilluni apriilip arfernanni qinersisoqalerpat aalajangeeqataasinnaasumik ilannguttoqarpoq. 

Asii Chemnitz Narup Kommuneqarfik Sermersuumi ukiuni 11-ni borgmesteriugami, qinersinerit tulleriiaarlugit inuttut taaneqarnerpaasarpoq. Kommuninut qinersinermi kingullermi kommunimi taasinerit 25 procentii angungajallugit taaguunneqarpoq. 

Inatsisartunut qinersisoqalerpat taamatut sunniussinnaassaguni, aap, taava maanna Inuit Ataqatigitigiit isumasiuinerni siuariarnissaat malunniuteqarfigisinnaassavaa.

Kisianni sooruna Asii 66-nik ukiulik politikkimut uterniartoq? Nuna tamakkerlugu kommunimilu naalakkersuinikkut sivisuumik suliaqareerluni sooq soraarnerunianngila?

– Naalakkersuinikkut suliat qaffasissutsit tamarmik periarfissaqarlutillu killeqarput, Asii Chemnitz Narup nassuiaavoq.

Allaaserineqartoq aviisimi AG-mi, aqagu pingasunngornermi saqqummertussami, tamakkiisumik atuarneqarsinnaavoq. Aviisi uani pisiarineqarsinnaalereerpoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER