Skip to main content

Politikkimut naliliisartoq: Lars-Emilip inuusuttut qimaatissinnaavai

Inuusuttut qinersisartut qimarrassinnaapput Lars-Emil Johansen Siumumi siulittaasussatut qinigassanngortissappat siulittaasunngorlunilu. Politikkimut naliliisartoq taama isumaqarpoq

Siumup partiianik pilersitseqataasoq, Lars-Emil Johansen, aviisimut AG-mut sapaatip akunnera kingulleq oqaluttuarpoq Siumumi siulittaasussatut sassarnissani isumaliutersuutigigini. Kisianni pingasunngornermi suli oqaluttuarisinnaanngilaa Siumut arfininngorpat immikkut ataatsimeersualerpat siulittaasussatut sassarniarnerluni.

- Piareeruma nalunaaruteqarumaarpunga, Lars-Emil Johansen naatsunnguamik taama Sermitsiaq.AG-mut oqarpoq.

Kisianni Lars-Emil Johansen Siumumi siuttunngussappat inuusuttut qinersisartut Siumumit qimarrassinnaapput. Taama politikkimut naliliisartoq naliliisartoq, Sten Lund, isumaqarpoq.

Atuaruk: Lars-Emil suli utaqqisitsivoq

Lars-Emil suliarisimasaminit eqqaamanerlunneqarpallaaqaaq
- Kammalaatersoq pisortallu aningaasaataannik atornerluineq qinersisartut ullumikkut nunatsinni takorusunngilaat. Tamanna Naalakkersuisunut akerliussutsimik takutitsisoqarmat (septembarip 30-ani, aaq.) inuusuttorpassuit ersersippaat, politikkimut naliliisartoq Sten Lund Sermitsiaq.AG-mut taama oqarpoq.

Lars-Emil Johansenimullu tunngatillugu Sten Lund isumaqarpoq Lars-Emil Johansen politikkikkut suliarisimasamini nuannarineqanngitsunik eqqaamaneqarpallaartoq.

- Puisimut tunngatillugu suliaasimasup inuusuttorpassuit Siumumik qinersisartut qimaatissinnaavai Lars-Emil Johansen partiimi siulittaasunngussappat. Inuusuttut aamma politikerit siunissamut isigisut takorusuppaat. Politikerit oqarsinnaasut siunissami ungasinnermi piffissamilu qaninnermi sunik angusaqarusunnerlutik, Sten Lund oqarpoq.

Atuaruk: Puisimut tunngasoq namminersorlutik oqartussanut millionilinnik akeqarpoq

Inuusuttut anguniagalinnik politikereqarusupput
Sten Lund isumaqarpoq nunatsinni inuusuttut ullumikkut politikerinik takorusuttut politikkikkut anguniakkaminnik oqarsinnaasunik. Siunissaq ungasinnerusoq piffissarlu qaninnerusoq eqqarsaatigalugu.

- Lars-Emil Johansenip namminersornerulernissaq Jonathan Motzfeldt aamma Moses Olsen peqatigalugit takorluugaraat. Ullumikkut inuusuttut qinersisartut politikerinik nunatta ullumi qanoq inissisimaneranik oqaluttuaatigalutik siunissamut angorusutaminnik oqariartorsinnaasunik pisariaqartitsipput, Sten Lynge Sermitsiaq.AG-mut oqarpoq.

Tamatuma saniatigut Sten Lynge isumaqarpoq qinersisartut ullumikkut politikerit maniguuttut aammalu siammasissumik suleqatissarsiorsinnaasut ileqqorissaartullu kissaatigigaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER