Takornariaqarneq Múte B. Egedemi suleqataanilu nuannarineqarluarpoq. Sermitsiamit ullumikkut oqaluttuarineqarsinnaavoq, Naalakkersuisut Namminersorlutik Oqartussat inuussutissarsiutinik ineriartortitseqatigiiffiat Nalik Ventures A/S nalunaarfigisimagaat, ingerlatseqatigiiffiup Kalaallit Nunaanni takornariaqarnermik ineriartortitsinermut aningaasaliissutinik annertunerulersitsissasoq.

Tamatuma peqatigisaanik Namminersorlutik Oqartussanit Lykke Geisler Yakaboylu aamma Anders Stenbakken, takornariaqarnerup iluani ukiorpassuarnik misilittagaqartut, Nalik Venturesip siulersuisuinut ilaasortanngortinneqarput.

Aviisi Sermitsiaq taama allappoq.

- Takornariaqarneq siunnerfigissagipput piginnittutsinnit Namminersorlutik Oqartussanit paatsoorneqarsinnaanngitsumik oqariartuuteqarneruvoq, Nalik Venturesimi siulersuisut siulittaasuat, Miki Lynge, oqarpoq.

Takornariaqarneq Kalaallit Nunaat tamakkerlugu siuariartornermik, kaaviiaartitanik suliffissanillu nutaanik pilersitsinissamut pingaarutilerujussuanngorsinnaavoq. Taama inuussutissarsiummit, Nalik Venturesimi politikkimilu qaffasinnerpaamik isumaqartoqarpoq.

Tamatuma kinguneranik aningaasalersuinermik ingerlatseqatigiiffik siornatigut Greenland Holdingimik ateqarsimasoq siunissami suliaqarfiup Ilulissani, Nuummi Qaqortumilu mittarfiit nutaat ammarnerisa kingorna ukiut tulliuttut ingerlaneranni siuariartornissamik takorluugaqartumi ilimagisaqartumilu suliffeqarfinnut taarsigassarsisitsinerit aningaasaliinerillu aqqutigalugu annaariaannaasanik aningaasaliinissamut piareersimanerulissaaq.

Aviisimi Sermitsiami atuarnerusinnaavutit. Aviisi uani pissarsiariuk:

Sermitsiaq - 02/06-2023

Klik her for at læse