Politikkikkut isummersorfiusinnaanera eqqartorneqassaaq

Aalisarneq pillugu Ataatsimiititaliarsuup sulinissaanut tunngavissaa inississorneqaleruttorpoq.

Politikkikkut aalajangiisoqarnerusinnaanera Aalisarneq pillugu Ataatsimiititaliarsuaq aamma Naalakkersuisut oqallisigaat - tamanna atuutilernissaa tamanit kissaatigineqarpoq. Siulittaasoq Jens Paulsen Sermitsiaq.AG-mut ilisimatitsivoq.

- Ataatsimiititaliarsuaq politikkikkut immersorneqarsinnaassappat iluaqutaassaaq, politikkikkullu ataqatigiinngitsumik aalangiisoqaratarsinnaanera taamaasilluni aamma pinngitsoorneqarsinnaassaaq, oqarpoq.

Immanuelsenip allakkiaa

Aalisarnermut naalakkersuisoq Jens Immanuelsen partiinut tamanut allappoq, partiit Aalisarneq pillugu Ataatsimiititaliarsuarmi sinniisussaanik toqqaaqqullugit novembarip 22-ani.

Ataatsimiititaliarsuarmi partiit sinniisaasut isummersorsinnaannginerat Jens Immanuelsenimit imaluunniit Naalakkersuisunit tamanit aalajangiissaanersoq naluarpoq. Tamannali allanngortinniarneqalerpoq.

- Sulinermi politikerit qanoq suleqataatigisinnaaneranut sinaakkutit sapaatip akunnerani matumani aalajangerneqarsinnaanerat naatsorsuutigaara, aalisarnermut naalakkersuisoq Jens Immanuelsen partiinut tamanut allappoq, partiit Aalisarneq pillugu Ataatsimiititaliarsuarmi siulittaasoq ilisimatitsivoq.

Aaqqitassat

Aalisarneq pillugu Ataatsimiititaliarsuarmi suleriaasissat iluarseqqaartinnagit politikerit qanoq isummersinnaatigissanersut inissinneqarsinnaanngitsoq siulittaasoq oqarpoq.