Skip to main content

Politikkikkut atorfinitsitsisimaneq isornartorsiorneqartoq

Naalakkersuisut Siulittaasuata Jens-Frederik Nielsenimut akissuteqarnermini, IA-meersumik politikkikkut ataqatigiissaarisumik atorfinitsitsisimaneq illersorpaa. Pisortat allaffeqarfiannik annertusaanerunngilaq, Múte B. Egede oqarpoq.

Naalakkersuisut juulip qaammataata aallartinnerani ilisimatitsissutigaat, Jane P. Lantz Inuit Ataqatigiinnut siusinnerusukkut politikkikkut siunnersortaasimasoq, Naalakkersuisut politikkikkut ataqatigiissaarisuattut atorfinitsinneqarsimasoq.

Taamatut nutaarsiassiisoqarmat Demokraatit siulittaasuat Jens-Frederik Nielsen Naalakkersuisut Siulittaasuannut arlalinnik isornartunik apeqquteqarsimavoq.

Partiimi siulittaasup paaserusussimavaa, politikkikkut ataqatigiissaarisumik atorfinitsitsineq allaffissornermik annertusaanerunersoq, aamma paaserusussimavaa allat soqutiginnissinnaasut qinnuteqarsinnaaniassammata atorfik inuttassarsiuunneqarsimanersoq.

- Isertugaataanngilaq, politikkikkut ataqatigiissaarisutut atorfinitsinneqaqqammersoq toqqaannartumik Inuit Ataqatigiinni politikkikkut siunnersuisartuunermit atorfinitsinneqarmat. Taamaakkaluartorli, Inuit Ataqatigiit akissarsianut aningaasartuutinut sipaaruteqarput, akerlianik Namminersorlutik Oqartussat aningaasartuutigilerlugu. Soorlu eqqorpallaanngitsoq, ilimagisinnaavarali nassuiaatissaqarluartoq, skriver Jens-Frederik Nielsen apeqquteqarnerminut tunngavilersuilluni allappoq.

Naalakkersuisut allattaat pillugit maleruaqqusat naapertorlugit atorfinitsitsisoqartoq

Maleruaqqusat malillugit atorfinitsinneqarpoq, Naalakkersuisut Siulittaasuat Múte B. Egede (IA) akissuteqarnermini oqarpoq.

Taassuma ilisimatitsissutigaa, atorfik inuttassarsiuunneqarsimanngitsoq, maleruaqqusalli malillugit atorfinitsitsisoqarsimavoq, Naalakkersuisut allatsissaannik atorfinitsitsisarneq pillugu maleruaqqusat naapertorlugit Naalakkersuisut Siulittaasuat atorfinitsitassaminik toqqaasinnaatitaammat.

- Naalakkersuisut allattaaneratut atorfik inuttaqanngitsoq naalakkersuinikkut ataqatigiissaarisussamik inuttalerneqarpoq, Múte B. Egede allappoq.

Múte B. Egede tamatuma saniatigut allappoq, allaffissornermi annertusaaneq pineqanngisoq, Jane P. Lantz qinersinermut atatillugu atorfimmut inuttaarussimasumut atorfinitsinneqarmat:

- Atorfik soraarniuteqartarnermut maleruagassami aalajangersakkat naapertorlugit qinersinermut atatillugu inuttaarussimavoq, taamaattumillu pisortat allaffissornerani annertusaanertut isigineqarsinnaanani, Múte B. Egede akissuteqaammini allappoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER