Skip to main content

'Politikkikkut allannguineq namminiilivinnissamut sangutitsissaaq'

Nunarput namminiilivinnginnerani politikkikkut aqutsineq allanngortariaqarpoq, Atassut Nuummi ilaasortaq isumaqarpoq.

- Namminiilivissagutta maanna politikki allanngortissavarput.

Atassutip Nuummi ilaasortaa, Angutinnguaq Heilmann taama isumaqarpoq. Nunatsinni pissutsinut suliaqarniartunik ujartuivoq. 

- Piffissamimi matumani tikisitat aatsaat taamak amerlatigilerput, suliartorlutillu tikisitassat nunatsinnut tikinngitsulluunniit inissaannik pitsaalluinnartunik pissaqartinneqareertarput. Illuatungaanili kalaaleq suliffissarsioraangami, inissarsioraluaraangamilu ajornartorsiuteqarlunilu ajornasaarfigineqartarpoq. Kalaallillu amerliartorput kalaallit nunaanniit, qallunaat nunaannut nuuttartut ilaatigut nunatsinni inissaqarniarneq, suliffissaqarniarneq assigiinngitsutigullu atugassarititat nunatsinni ullutsinnut tulluukkunnaarsimammata, Angutinnguaq Heilmann erseqqissaavoq.

Akisussaaffik annertunerusoq
Namminiilivinnissamut apeqqummut tunngatillugu innuttaasut ataasiakkaat akisussaaffimmik annertunerusumik tigusititsiniarpai.

- Napparsimmavimmi unnuineq innuttaasunut akeqalissaaq, pisortanut saaffiginninnerup kingorna akissutit akeqalissapput. Kigutileriffiliarneq akeqalissaaq, nakorsaatit akeqalissapput, allaffissornermut akiliutinut akiliisoqartassaaq, taanna oqarpoq.

Kisianni namminiilivinnissamut sulineq peqqissaartumik pinissaa peqatigisaanik taassuma oqaatigaa.

Sulisut nukittorsarneqarlik
- Minnerunngitsumillu nunaqavissunik sulisinnaanngorsaaneq aallunneqarluinnartariaqarpoq, taamaasiorsinnaavugullu tikisitanik suliartortitsinissaq salliukkunnaarlugu nunaqavissut kalaallit salliunnerisigut, Angutinnguaq Heilmann oqarpoq.

Namminiilivinnissamut nunat allat Nunarput qulaallugu timmisartortartunut isumaqatigiissusiornissaq periarfissaasoq takusinnaanerarpaa.

- Nunatta pigisai, uumassusillit uumaatsullu akeqanngimik nunatsinniit annissorneqartuarput, uffa tamakkuusussaagaluit nunatta namminersulivikkiartornissaanut aningaasarsiutissaraluit, Angutinnguaq Heilmann oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER