Skip to main content

Politikkerit qulit marlunnik qinigaaffeqalersut

Politikkerit qulit Inatsisartunut kommunalbestyrelsimullu qinigaasimasut, Sermitsiaq.AG-p naatsorsuisimanerata tamanna takutippaa.

Najukkani politikkerit arlallit Inatsisartunut aamma qinigaasimammata, kikkut kommunalbestyrelsini assigiinngitsuni qinigaaffeqassanersut suli aalajangiiffigineqanngilaq.

Suli erseqqissumik paasineqanngitsoq tassaavoq, politikkerit marlunnik qinigaaffeqartut kommunalpolitikkimit sulinngiffeqarnissamik aalajangissanersut, nunamullu tamarmut politikkikkut suliassat isumagisinnaajumallugit sinniisussaminnik kommunimi issiatitsissanersut.

Naalakkersuisooqatigiinnissamik isumaqatiginninniarnermi inuit marlunnik qinigaaffeqartut naalakkersuisunngortinneqassappata, sinniisussamik aggersaasoqartariaqassaaq. Tamanna pissanersoq ullut aggersut takutikkumaarpaa.

Partiini agguataarisimaneq

Demokraatit Inatsisartunut qinersinermi affaanngortinneqartut kisiartaallutik marlunnik qinigaatitaqanngillat.

Atassut sinnerlugu inatsisartunut ilaasortat marluk Aqqalu C. Jerimiassen aamma Siverth K. Heilmann, Avannaata Kommuniani Qeqqatalu Kommuniani kommunalbestyrelsinut aamma qinigaasimapput.

Naleqqami nuna tamakkerlugu politikkerit nuimasut pingasut Hans Enoksen, Pele Broberg aamma Jens Napatok Qeqqata Kommuniani, Kommuneqarfik Sermersuumi Avannaatalu Kommuniani kommunalbestyrelsinut aamma qinigaapput.

IA-mi qinersinermi ajugaarujussuartumik taaguunneqarluartumilu politikkerit pingasut aamma marlunnik qinigaaffeqarput.

Sianerfigitinnissani utaqqigaa

Peter Olsen Kommuni Qeqertalimmeersoq parteeqatiminik Ane Hansenimik taaguunneqarnerusimavoq, apeqqutaavorlu borgmesteriuneq IA-lu sinnerlugu nunamut tamarmut politikkeriuneq ataatsikkut atuuffigerusunnerai.

Taassumali Sermitsiaq.AG-mut oqaluttuaraa, Múte B. Egedep naalakkersuisunngorterusussappani partiip siulittaasuanit sianerfigineqarnissani utaqqimaarlugu.

Aamma atuaruk: Borgmesterinngorneq imaluunniit: Peter Olsenip Múte oqaluuteqqaarusuppaa

IA-meersoq alla marlunnik qinigaaffilik tassaavoq Mimi Karlsen, taanna Qeqqata Kommuniani kommunalbestyrelsimut qinigaavoq. Aamma Stine Egede, kujataani qinigaalluarnermigut borgmesterinngortussaavoq. Taassuma borgmesteriuneq tamakkiisumik ingerlakkusuppaa. Taamaammallu Inatsisartunit sulinngiffeqarnissani qinnuteqaatigereersimallugu, taanna Sermitsiaq,AG-mut ilisimatitsivoq.

Siumormiut marluk

Siumukkormiut akornanni inuit marluk marlunnik qinigaaffeqarput: Anders Simon Olsen Kommuni Kujallermeersoq aamma Mala Høy Kúko, illoqarfiit pingaarnersaata kommunianut qinigaasoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER