Skip to main content

Politikkerit inuulluaqqusavut

Politkkeri ataasiinnaanngitsoq Inatsisartunut qinersisoqarmat isinngitsoorput. Pineqartut qineqqusaanerminni qinersisartunit taaguunneqarpallaanngillat.

Politikkeri ataasiinnaanngitsoq Inatsisartunut qineqqusaartoqarmata qinersisartunit taaguunneqarpallaanngillat. Taakku ilagaat naalakkersuisuusimasoq qinersisartunit taaguunneqarpallaarsimanngitsoq.

Karl-Frederik Danielsenimut taasisimasut arfineq-pingasunik amerleriarsimallutik 106-inngorsimagaluarput, taakkuli Siumut sinnerlugu Inatsisartuni issiatitaqarnissamut naammassimanngillat. Nikkulaat Jeremiassen piffissap ilaani aamma Naalakkersuisuusimasoq Inatsisartunut isernissamut aamma naammattunik taaguunneqarsimanngilaq. 99-inik taasisoqarsimavoq.

Henrik Fleischer aamma qinersisartunit tununneqarsimavoq. Partii Naleqqami ilaasortatut 2018-imi qineqqusaarami 143-nik taaguunneqarluni ilaasortanngorpoq, taamanikkulli qinersisoqarneraniit qaammat ataasiunngitsorluunniit qaangiuttoq Siumumut nuuppoq. Maannakkut qinersisoqarmat 59-inik taaguunneqarsimavoq, taamalu qinersisartumi affai sinnerlugit annaasimallugit

Ilaasortat affaannanngortut

Demokraatit marlunngormat qinersisoqarmat Inatsisartuni ilaasortaatitaat affaannanngorput. Justus Hansen, Malene Vahl Rasmussen, Simiga Heilmann nunanulluunniit allanut Naalakkersuisooqqammersoq Steen Lynge Inatsisartunut isiginngitsoorput, soorlu aamma sinniisussaasimasut Rachel Ingemanna aamma Bo Martinsen qinigaanngitsoortut.

IA inunnik nutaanik Inatsisartuni ilaasortaatitaqalerpoq. Taamaalilluni ilaasortaasimasoq Mikivsuk Thomassen qinigaanngitsoorpoq, siullertulli sinniisussanngorluni. Ilimanarporlu Inatsisartuni issiaqataalissasoq, Stine Egedep Kommuni Kujallermi borgmesteritut atuunnissani pingaarnerutillugu Inatsisartunit sulinngiffeqarnissaq qinnutigereersimammagu.

Partiit marluk iseqqinngitsoortut

Atassutip Naleqqallu ilaasortaatitaasa amerlassusaat allannguuteqanngillat. Atassut sinnerlugu ilaasortaasut marluk qinigaaqqipput, Nalerarli sinnerlugu ilaasortat ataatsimik ilapput, taannalu tassaavoq Emanuel Núko Tasiilameersoq.

Partiit marluk Inatsisartunut iseqqinngitsoortut tassaapput Nunatta Qitornai aamma Suleqatigiissitsisut.

Qinersisartut taamaalillutik Aningaasaqarnermut Naalakkersuisuusimasoq Vittus Qujaukitsoq, nunanut allanut ataatsimiititaliami siulittaasuusimasoq Aleqa Hammond Inatsisartunilu ilaasortaasimasoq Tillie Martinussen inuulluaqqusinnaanngorpaat.

Arlallit qinigassanngorteqqinngitsut

Aamma Inatsisartunut ilaasortaasimasut arlallit qinigassanngorteqqissimanngillat. Taakku ilagaat Hermann Berthelsen. taassuma Sermitisaq.AG-mit apersorneqarluni politikkimit tunuarnerminut tunngaviusut oqaluttuarisimavai.

Ilanngutassiaq atuarsinnaavat atuaqqissinnaavalluunniit uani: Politikkimi kinguaariit tullii inissaqartittariaqarpagut

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER