Politikkerit inissialiorniarnerup avatangiisinut sunniutigisinnaasai nalilersortikkusuppaat
Malaysiamiup inissianik katillugit 98-inik inissiartalinnik, illumik ataatsimoorfiusartulimmik aamma ”saqisaarluni aneerasaartarfilimmik” sanaartornissamik pilersaarutaa, sivisunerusumik suliarineqartariaqassaaq, Sanarfinermut Avatangiisinullu Ataatsimiititami politikkerit avatangiisinut sunniutaasinnaasunik nalilersuisoqarnissaanik kissaateqarnerat pissutigalugu.
Nuup illoqarfiata immikkoortortaani Qinngutsinniittumi Eqingami inissialiorniarneq tusaniaassutigineqarmat akissuteqartunit 29-t akerliusimapput, pingaartumillu akissut ataaseq Nuummi Najukkami Ataatsimiititaliap maluginiarsimavaa.
Najukkami Ataatsimiititaliap oqaatigaa, suliniutissatut siunnersuut pillugu pilersaarut avatangiisinut naleqqutinngitsoq, suliniutillu avatangiisinut kuullu kuunneranut sunniuteqarnerlunnissaa pillugu isornartoqartillugu.
Namminersorlutik Oqartussat oqaloqatigineqartut
Ataatsimiititaq taamaammat ataasinngormat ataatsimiinnermini aalajangerpoq, avatangiisinut sunniutissaanik nalilersuisoqarnissaa suliaritinniarlugu ingerlatsivik Namminersorlutik Oqartussanut oqaloqatiginnissasoq. Tamanna tunngavigalugu suliaq Aningaasaqarnermut Inuussutissarsiornermullu Ataatsimiititamut ingerlateqqinneqanngilaq.
Malaysiamiut aningaasaliissuteqartut, Berjaya Land Berhadikkut suliniuteqartuupput. Taakku Nuummi akimarpaluttumik akunnittarfiliornissamik aamma kissaateqarsimagaluarput, akunnittarfik Nuutoqqami inissisimasussatut aallaqqaammut pilersaarutaasimagaluarpoq.
Suliniut pillugu paasisaqarnerugit: Malaysiamiup inissialiorniarnera sakkortuumik isornartorsiorneqartoq
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...