Skip to main content

Politikikkut oqaaseqartartoq: Kusanarluinnartumik oqallipput

Partiit siulittaasui ataasinngormat unnukkut KNR-ikkut qinersisoqanngilaatsiarnerani naapertuilluartumik naggammik oqallipput. Tamarmik suleqatiginnikkusupput tamarmillu innuttaasut atugarissaarnerulernissaannik angusaqarusullutik.

Partiit siulittaasuisa ullumi qinersisoqarnissaa sioqqullugu naggammik oqallinnerminni imminnut kimmaannissaat naatsorsuutigisimagaanni pakatsilaartoqarsimassaaq.

Akerlianik sutigut tamatigut suleqatigiittoqarnissaa ammaffigineqarluarpoq, partiillu arlaannaaalluunniit allanik suleqateqarusunnginnermik oqaaseqanngillat. Aviisimi Sermitsiami politikkikkut oqaaseqartartoq partiit siulittaasuisa ataasinngormat oqallinnerannut atatillugu taamatut naliliivoq.

- Partiit siulittaasui assortuunnaveersaarput. Sammineqartut ilungersunartupilussuugaluartut pissuserissaarlutik oqallipput, Jensine Berthelsen oqarpoq.

Massakkoqqinnaaq atugarissaarneq

Politikkikkut oqaaseqartartoq naapertorlugu, atugarissaartuuneq unnummi pineqartumi oqallittoqarmat sammineqarluarpoq.

- Qinersisartut ajornartorsiutinik utaqqissunneqaratik maannakkoqqissaaq iluarsineqartariaqartunik sammisaqartut malunnarpoq, taamaammallu inuit piffissamut ungasinnerusumut eqqarsaateqanngillat. Oqallittoqarnerani piffissamut ungasinnerusumut atatillugu sammisaqarnermi tamanna maluginiarneqarsinnaavoq.

Partiit anguniagaq tamanna pillugu isumaqatigiilluinnarput, taamaattoq innuttaasut atugarissaarnerulernissaannut pitsaanerusumillu atugaqalernissaannut aningaasat atugassiissutissaasutut aqqutissatullu taagorneqartut assigiinngissuteqarlutik.

- Partiit soorunami assigiinngitsunik isumaqaraluartut, qinigaaffimmi tulliuttumi innuttaasut atugarissaarnerulersinneqarnissaat pillugu siammasissumik isumaqatigiissuteqartoqassasoq isumaqarpunga. Partiit talerperliunerusut suliffissanik pilersitsinissamik anguniagaqarnerusut, partiit saamerliunerusut isumaginninnikkut politikki aqqutigalugu inuiaqatigiinnik kivitserusunnerupput.

Isumaqatiginninniarnissamut piareersartut

Jensine Berthelsen isumaqarpoq, pissuserissaartumik oqallittoqarneranut pissutaasoq, partiit siulittaasuisa Inatsisartuni pissaaneq pillugu isumaqatiginninniarnissamik eqqarsaatiginnilereersimanerat.

- Qinersinermi naammassippat naalaakkersuisooqatigiinni suleqatissarsiortoqartussaavoq. IA-p uranimut naaggaarluinnarnera eqqaassanngikkaanni arlaannaataluunniit allat mattukkusunngilaat. IA ajugaassappat partiillu allat IA-mik suleqatiginnikkusussagunik Kuannersuit aatsitassarsiorfigineqannginnissaat akuerisariaqarpaat. Tassunga atatillugu IA-p isumaa allanngornavianngimmat, Jensine Berthelsen oqarpoq.

Taanna isumaqarpoq, IA ajugaassappat naalakkersuisooqatigiittussanillu pilersitsiniassappat uranimut atatillugu Naleraq suleqatissatsialaasinnaasoq.

- Maluginiagara tassaavoq, annertuunik aatsitassarsiortoqartinnagu Naleraq Danmarkimit avissaarusuttoq. Apeqqummut pineqartumut atatillugu IA Nalerarlu imminnut qanittuaraarpasippput. Aappaatigut Siumut piffissami kingullermi IA-mut qaninnerulersimavoq, suleqatigineqassappatali Siumumi siuttuuniuttut marluk imminnut unammiuaarnertik unitsittariaqarpaat, taanna oqarpoq, nangillunilu:

- Imminnut tamarmik qaninniarnerat pissutigalugu qinersisoqareerpat kikkut suleqatigiilissanersut oqaatigiuminaappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER