Politikikkut aalaakkaannginnerup niuerfiit sunniuteqarfigai
Kalaallit Nunaanni politikikkut allamut saaqattaarnerup aatsitassarsiorneq aamma aningaasaliissuteqartartut sunniuteqarfigaat. Naalakkersuisut Kujataani innuttaasunik ataatsimiititsinerni peqataaniarnatik nalunaaruteqarnerisa kinguninnguatigut Greenland Mineralsimi aktiat nalikillipput.
Naalakkersuisut erseqqissumik tapersersuisut, najukkani innuttaasunik qanimut peqataatitsisut, atugassarititaasut aalajaatsut aamma allaffissornikkut siuariartortut immikkoortut ilagaat Kalaallit Nunaanni aatsitassanik piiaanermi aamma aatsitassanut suliffissuaqarnermi aningaasaliissuteqartartunik pilerisutsitsilertussat. Taamatut oqarpoq misissueqqissaartartoq aamma Sprott Capital Partnersimi suleqataasoq, Brock Salier, ukioq ataaseq qaangiutinngitsoq Toronto-mi PDAC-ip ingerlanneqarnerani, aviisi Sermitsiaq allappoq.
Akerlia aatsitassarsiornermik ingerlatsivinnut aamma aningaasaliisartunut kinguneqarnerluttartuuvoq. Fraser Instituttip nunat aatitassarsiorfigissallugit orniginartitat pillugit ukiumoortumik allattorsimasai saqqummiunneqaraangat tassani Kalaallit Nunaat ukiuni kingullerni allattukkani appasissumi inissisimasarpoq.
– Greenland Minerals (GGG) aktiaasa nalingat sapaatit akunnerata kingulliup ingerlanerani appariarput. Tamatumunnga pissutaasinnaavoq Naalakkersuisut innuttaasunik ataatsimiititsinerni peqataatitaqannginnerat. Politikikkut pissutsit unerisimanngillat, taamatut naliliivoq ujarassiooq aamma Kommuni Kujallermi aatsitassat pillugit siunnersortaasoq, Ole Christiansen aviisimut Sermitsiamut oqarpoq.
Aviisimi Sermitsiami allaaserisaq tamaat atuarsinnaavat. Aviisi uani pissarsiariuk: