nakkutilliineq
Politikerit: Tusagassiuutit oqaatsinik nakkutilliisunit nakkutigineqarlik
Tusagassiuutini kalaallisut oqaatsitta eqqunngitsumik atorneqarnerat IA-p qatsuppaa. Partii Naleraq isumaqarpoq aviisini tusagassiortut aaqqissuisullu amerlavallaartut qallunaajusut – aviisillu imarisaat tamatuminnga ilusilersuisoq
Tusagassiuutini oqaatsitigut kukkunerit ilaatigut kalaallisut oqaatsitsinnik atornerluinerusut piiarneqartariaqarput.
Naalakkersuinermik suliallit taama isumaqarput.
Oqaatsinik siunnersortit
Mimi Karlsen (IA) sapaatip-akunnerani kingullermi Inatsisartuni apeqqarissaarluni oqallinnernik pilersitsisoq naapertorlugu aaqqiissutaasinnaavoq tusagassiorfinni oqaatsinik siunnersortinik atorfinitsinissaq.
Imaluunniit arlaatigut nakkutilliisussanik pilersitsinissaq tusagassiortut oqaatsinik atuinerannik imaluunniit atornerluinerannik nakkutiginneqqissaartussamik.
Tusagassiorfik iliuuseqartoq
Akunnernik marlunnik sivisussuseqartumik oqallinnermi paasineqarpoq KNR suliniuteqalereersimasoq naalakkersinermik suliallit kissaataanut akuersaartumik.
- Avataaniit siunnersortinik ulluinnarni radiomik TV-millu atuinertik aqqutigalugu KNR-imi kalaallisut oqaatsitta qanoq atorneqarnerannik malinnaasinnaasunik KNR ikiortissarsiulersaarpoq. Siunnersortit ataavartumik atorfinitsinneqassanngillat suliniut aallartippat suliatik isumaqatigiissutillu naapertorlugit akissarsiaqassallutik, tusagassiutinut naalakkersuisoq Nivi Olsen (Demokraatit) oqaluttarfimmit oqarpoq.
Uani sapaatip-akunnerani AG-mi saqqummertumi allaaserisaq tamaat atuaruk, aamma taanna uani pisiarisinnaavat: