Politikerit pingasut akeqanngitsumik assammik arsartuniipput
Norgemi arnat assammik arsarlutik nunarsuarmi pissartanngorniunneranni politikerit nuimasut pingasut atorfillillu arfinillit Namminersorlutik Oqartussat akiligaannik 211.000 koruuningajammik akeqartumik isiginnaartuupput.
Arnat nunanut allanut unammisartut piumassuseqarnermik sapiissuseqarnermillu takutitsimmata Múte B. Egede, Erik Jensen aamma Aqqaluaq B. Egede Stavangerimi assammik arsarluni unammiuaartoqarnerani akeqanngitsumik peqataapput.
Tamanna atuarneqarsinnaavoq Ilinniartitaanermut, Kultureqarnermut, Timersornermut Ilageeqarnermullu Naalakkersuisup Aqqaluaq B. Egedep paragraf 37 naapertorlugu Naleqqami ilaasortap Jens Napatôkip apeqqutaanut akissutaani.
Politikerit atorfillillu
Politikerit pingasut saniatigut atorfilittat tallimat ministerillu allattaa imatut
agguarneqarlutik Naalakkersuisut Siulittaasuata Naalakkersuisoqarfianiit
ataaseq, Meeqqat lnuusuttullu Naalakkersuisoqarfianniit marluk,
llinniartitaanermut, Kultureqarnermut, Timersornermut llageeqarnermullu
Naalakkersuisoqarfianiit pingasut peqataapput.
210.677,09 koruunit isernissamut, akunnittarfinnut, angalanermut (tassunga ilanngullugit bussernermut, taxarnermut qimuttuitsunullu) aningaasartuutissanut kiisalu ullormut aningaasarsiassanut atorneqarput.
TAAK, GIF aamma Elite Sport Greenland peqatigalugit siunissami timersornerup qanoq ittuunissaa pillugu isumasioqatigiissitsinermut Naalakkersuisut siulittaasuat peqataasoq paasissutissiissutigineqarpoq.
Paasisassarsiorluni angalaneq
Meeqqanut, lnuusuttunut, llinniartitaanermut, Kultureqarnermut, Timersornermut llageeqarnermullu Naalakkersuisup angalanermi, timersortartunut tapersersuinerup saniatigut, peqatigiiffinnik naapitsinerit aammalu paasisassarsiorluni angalaneq siunertaraa.
- lslandimi timersornermut ministeri ataatsimeeqatigineqarpoq, siunissamilu suleqatigiissutigineqarsinnaasut tassani eqqartorneqarlutik, paasissutissiivoq nangillunilu allassimalluni:
- Meeqqat angerlarsimaffiup avataanut inissinneqartartut pillugit Norgemi oqartussaasut pinaveersaartitsinerat aamma paasissutissiissutigineqarpoq, pissarsiffiulluartumillu innarluutillit atuarfiat pulaarneqarpoq, kiisalu Stavangerimi meeqqat inuusuttullu pillugit ilisimatusarfik pulaarneqarluni. Aqqaluaq B. Egede akissummi taama paasissutissiivoq.
Erik Jensenip suna suliarineraa ilisimaneqanngilaq
Aningaasaqarnermut Naalakkersuisoq Erik Jensen sooq angalaqataanersoq nalornissutaavoq. Siumup siulittaasuata Stavangerimiinnera Namminersorlutik Oqartussanut 8.279 koruuninik akeqarsimavoq, naalakkersuisutullu suliassaminut atatillugu ataatsimiigiarsimagunanngilaq. Jens Napãtôkimut akissummi Erik Jensen sulerisimanersoq oqaatigineqanngilaq.
211.000 koruunit qanoq agguataarneqarnersut takuuk:
