Skip to main content

Politikerit nuimasut akileraartartut aningaasaataannik umiatsiaaqqanik pisisut

Namminersorlutik Oqartussat Siumumi politikerit nuimasut pingasut aalisariutinik pisinissaannut 800.000 koruuningajannik tapiisimapput. Suliaq Karl-Kristian Krusemut, Henrik Fleischerimut aamma Nikkulaat Jeremiassenimut tunngassuteqarpoq

Siumumit Karl-Kristian Kruse naalakkersuinermik suliaqaannanngilaq nuimasoq, aalisartullu allat marluk politikeriusullu Nikolaj Jeremiassen aamma Henrik Fleischer tamarmik aalisariummik pisisinnaasimapput Namminersorlutik Oqartussani nunatta karsianit aningaasatigut tapiiffigineqarlutik.

Naalakkersuinermik suliaqartut aalisarnikkut malunniuteqarluartut pingasut aalisarnerup aningaasalerneqarnissaanut aningaasaliissutinit aningaasanut inatsimmiittunit katillugit 800.000 koruunit tungaannut tapiiffigineqarlutillu aningaasaliiffigineqarsimapput. 

Tamanna Aalisarnermut, Piniarnermut Nunalerinermullu Naalakkersuisoqarfiup iluani allakkianit Sermitsiap paasisaqarfigisimasaannit takuneqarsinnaavoq.

Poca 770-it pingasut

Siorna marsimi Karl-Kristian Kruse aalisariummik nutaamik Poca 770-mik pisinissaminut aningaasaliissutinit 332.000 koruunit sinnilaarlugit tapiiffigineqarpoq. Aalisariut qaleralinnik saarullinnillu bundgarnersornermut atorneqartussaavoq. 

Aalisarnermut, Piniarnermut Nunalerinermullu Naalakkersuisoqarfiup iluani allakkiat ilaat Sermitsiamit paasisaq malillugu Nikolaj Jeremiaasen naalakkersuinermik suliallit pingasut ilaattut qaffasinnerpaap tullianik tapiiffigineqarpoq.

265.000 koruuningajaapput, aningaasallu taamaalillutik umiatsiaaqqamik Poca 770-imik pisinissamut aningaasaliissutit ilagaat. Qinnuteqaataa februaarip 22-ani 2016-imi akuerineqarpoq.

Henrik Fleischer ullumikkut Inatsisartut aalisarnermut ataatsimiititaliaani siulittaasuusoq aamma Nunatta karsianit tapiiffigineqarpoq. Poca 770-imik pisinissaminut aalisarnerup aningaasalerneqarnissaanut aningaasaliissutinit 197.000 koruuningajannik pissarsivoq. Qinnuteqaat juunip 9-ani 2016-imi Naalakkersuisoqarfimmit akuerneqarpoq.

Inatsimmut aalajangeeqataasut

Maannakkorpiaq aalisarnermut ataatsimiititaliami siulittaasoq aalisariummik anginerusumik nutaamik pisinissaminut akileraartartut aningaasaannik annertuumik aningaasalerneqarnissaminik pissarsiniarpoq.

Kruse, Jeremiassen aamma Fleischer Inatsisartut aalisarnermut, piniarnermut nunalerinermullu ataatsimiititaliami ilaasortaasareerput. Henrik Fleischer (S) ataatsimiititaliami maannakkut siulittaasuuvoq, Karl-Kristian Kruse ataatsimiititaliami ilaasortaalluni.

Karl-Kristian Kruse aamma Nikkulaat Jeremiassen aalisarnermut, piniarnermut nunalerinermullu naalakkersuisooreerput, aalisarnerup aningaasalersornissaanut aningaasaliissutit pillugit Inatsisartut inatsisaat normu 15, novembarip 20-ani 2006-meersoq allanngortinniarlugu suleqataasareerlutik.

Eqqunngitsuliortoqanngitsoq oqarput

Kruse, Fleischer aamma Jeremiassen aviisimit Sermitsiamit apersorneqarput.

Karl-Kristian Kruse aamma Henrik Fleischer takunnissinnaanngillat suna ajussanersoq nunatta karsianiit tapiissutinik pissarsisimanerminni, pingajualli Nikkulaat Jeremiassen (S) oqaluttuarpoq aningaasat tamarluinnaasa nammineq utertissimallugit apeqquserneqarsinnaannginnissani qulakkeerusukkamiuk

Taamaattorli Sermitsiaq aalisarnermut piniarnermut nunalerinermullu naalakkersuisoqarfimmit ilisimatinneqarpoq Nikkulaat Jeremiassen naalakkersuisuujunnaarami tapiissutit taakku utertissimagai, isumaqatigiissuteqarnikkullu uninngatikkallaannarneqarsimasut, naalakkersuisutullu sulinini taamaatikkamiuk inuussutissarsiumminullu uteqqikkami tapiissutit tigoqqissimagai.

Suliap misissorneqarnissaa IA piumasaqarpoq

Pineqartut isumaqarput inatsisit malillugit qinnuteqarsimallutik.

Inatsit malillugu sulisoqartoq eqqorpoq, taamaattoq IA piumasaqarpoq Aalisarnermut, Piniarnermut Nunalerinarmullu Naalakkersuisoqarfik Inatsisartut kukkunersiuinermut ataatsimiititaliaanit misissuiffigineqassasoq.

Namminersorlutik Oqartussanit aalisariummik pisinissamut tapiiffigineqarnissamik qinnuteqaammut atatillugu aalisartuaqqat pilliutigalugit naalakkersuinermik suliallit salliutinneqartarnersut partiip misissortikkusuppaa.

Suliaq pillugu politikerit taakku qanoq isumaqarnersut, aamma IA-p qisuariaataa, aviisimi Sermitsiami atuarneqarsinnaapput. Aviisi uani pisiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER