Taaguunneqarnerpaat
Politikerit nuannarineqarnerpaat qulit takukkit
Malik, Kiista, Erik, Aqqalu. Qinersisoqarnerani taakku aqqit taaguunneqarluarput.
Qinersisartut 1.000-t amerlanerusut maanna IA-meersoq Asii Chemnitz Narup taasimavaat. Kommuneqarfik Sermersuup borgmesteria 2.259-nik taaguunneqarluni kommuninut qinersinermi dronningitut taasinnaavoq.
Atuaruk: Asii inorsartitsisoq
Atassummeersoq Siverth K. Heilmann taassuma tulleraa, partiimi siulittaasutut toqqarneqarnera eqqortuusoq qinersisartunit uppernarsarneqarpoq.
Taasinernik 91-nik siuariaateqarluin Siverth K. Heilmann 596-nit taaneqarpoq.
Atassutip Inuusuttaasa siulittaasuat, Aqqalu Jeremiassen, tupaallaataasumik pingajuattut nuannarineqarluarluni saqqummerpoq. Taanna 530-nit taaneqarpoq.
Atuaruk: Ane Hansen qinerneqarnerpaavoq
Taakkununnga tulliupput:
4. Malik Berthelsen taasinerit 552, Siumut
5. Martha Lund Olsen taasinerit 482, Siumut
6. Nivi Olsen taasinerit 467, Demokraatit
7. Kiista P. Isaksen taasinerit 456, Siumut
8. Erik Jensen taasinerit 438, Siumut
9. Randi Vestergaard Evaldsen taasinerit 389, Demokraatit
10. Ane Hansen taasinerit 350, IA
Politikerit nuannarineqarnerpaat qulit taasinerit 25 procentii sinnilaarlugit pissarsiaraat.