Skip to main content

Politikerip biiliinut serlersaarinerit

Avannaata Kommuniani kommunalbestyrelsimi ilaasortap Sakio Fleischerip (S) biiliisa igalaavi marloriarlutik aserorneqarput. - Politikkikkut suliaqarnera pissutaalluni taamaaliortoqarsimanissaa neriuutiginngilara, oqarpoq.

Uummannami innuttaasoq aamma kommunalbestyrelsimi ilaasortaq Sakio Fleischer (S), ullaaq tupannartumik misigisaqarpoq.

Tassami biiliisa igalaartai aserorneqarsimapput.

- Ullaaq suliartorniarlunga ammukarpunga biilit kissasserniarlugit. Atitsinnut pigama sunaana taama takusaq avaanngunartigisoq. Biilitta igalaavi ujaqqamik milorlugit aserorneqaqqissimapput, Sakio Fleischer Sermitsiaq.AG-mut oqaluttuarpoq.

Misigisaq nuanninngitsoq

Akio Fleischerip biiliisa igalaartai siullermeerlutik aserorneqanngillat - tassami oktobarip 30-ani biiliisa igalaavi kingullermik aserorneqarput.

- Pisoq avaanngunaqaaq, maannakkut aamma tassa igalaat taarserneqarnissaat utaqqeqqittussanngorparput. Novembarip 29-ani igalaavi nutaat ikkunneqarput, maanna aserorneqaqqereerlutik. Politiit uani sulilluarput, pisuni taakkunani aserorterisut paasineqarlutik. Politikkikkut sulinera pissutaalluni taamaaliortoqarnersoq naluara, pisut toqqissisimananngillat ingammik ilaquttannut, Sakio Fleischer oqarpoq.

Politikkimiiginnarusuppoq

- Politikkimi akuujunnaarnissat eqqarsaatigilerpiuk?

- Naamik, eqqarsaatiginngilara. Ilaquttakka soorunami eqqarsaatigaakka, eqqarsalersitsillunilu soorunami. Sooruna taamatut pisoqartoq? Biilit igalaaqaqqilerpata aserorneqaqqinnissaat unnuakkut ernumagisassavarput imaluunniit eqqissisimasassaagut?, akivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER