grove anklager
Politikerinik peqqusserluttutut unnerluussineq politiit misissulinngikkaat
Innuttaasut ilaannit politikerinik nuimasunik pingasunik peqquserluttutut unnerluussisoqarnerata kingorna, pinerluttoqarsimaneranik paasiniaasoqassanngitsoq Nunatsinni politiit aalajangiuppaat
Innuttaasut sisamat sapaatip akunneri sisamat matuma siorna Aleqa Hammond, Kuupik Kleist aamma Steen Lynge politiinut unnerluutertik tunniuppaat, taakku tamarmik nunatta karsianut akiitsoqarsimanerat peqqutigalugu. Kisianni unnerluussisussaatitaasut Nunatsinni politiit, ullumi pingasunngornermi nalunaaruteqarput unnerluussutaasut paasiniaavigineqassanngitsut.
- Taamatut aalajangiinermut pissutaavoq, politiit pinerluttoqarsimaneranik aatsaat ilimasuuteqarluarangaangamik paasiniaaneq aallartittarmassuk. Uanilu suliami politiit taamaattoqarneranik isumaqanngillat, politiit taama nalunaaruteqarput.
Atuaruk: Politikkerit pingasut peqquserlussimasutut politiinut tunniunneqartut
Unnerluussisussaatitaasut pingaartumik isiginiarsimavaat, politikerinut pingasunut - Kuupik Kleist maannakkut politikeriujunnaarnikoq - unnerluussissutigineqartut qimerloorneranni pisarialimmik pinerluttuliortoqarneranik pasilliissutissaqanngimmat.
- Suliaq unnerluunneqartut aamma Namminersorlutik Oqartussat akornanni aningaasanik akiitsoqarnermut tunngavoq, ingerlatsinermullu inatsisinut tunngasuulluni, unnerluussinermut pisortaq Morten Nielsen nassuiaavoq.
Atuaruk: Kuupik Kleistip misissuinerup inernera akuerinngilaa
Takussutissaq: Kikkut akiitsoqarsimanersut takukkit
Naak nammineq aningaasartuutinik Namminersorlutik Oqartussat inatsisaannik unioqqutitsilluni akiliutsittoqaraluartoq, paasissutissanik peqanngilaq peqqusserluttoqarsimaneranik takussutissalimmik, unnerluussisussaatitaasut taama naliliipput.
Unnerluussisut pisortaata Morten Nielsenip pinerluttulerinermik inatsit piaaraluni unioqqutinneqarneranik pasilliisimannginnertik erseqqissaatigaa.
Takussutissiaq: Nunatta karsianit 106.363,27 koruunit Aleqamit ima atorneqarput
Takussutissiaq: Nunatta karsianit 25.034 koruunit Kuupimit ima atorneqarput