Skip to main content

Politikeri: Nakuusertarneq ataatsimoorluta unitsitsigu

Nunani tamalaani ullormut nakuuserfiunngitsumut atatillugu Inuit Ataqatigiit innuttaasunut tamanut kajumissaarutigaa unitsiarlutik eqqarsaatigeqqullugu sooq ulloq taannarpiaq nunani tamalaani malunnartitsiffissatut toqqarneqarsimanersoq

Kalaallit Nunaanni nakuusertarneq ingerlaannavik akiorneqartariaqarpoq.

Taamatut isumaqarpoq Inatsisartunut ilaasortaq Agathe Fontain, taassumalu innuttaasunut kajumissaarutigaa ajornartorsiut akioqqullugu.

– Nakuusernerit ajoraluartumik ullut tamaasa nunarsuarmi tamarmi pisarput, inuiaqatigiinnilu qaffaseqatigiissuni tamani. Taamaasiornertigut nakuuserfigineqartut timikkut tarnikkullu annersinneqarlutillu innarlerneqartarput, amerlasuutigullu nipangersimaannarlutik atortarlugu. Inuit Ataqatigiit nakuusernerit suulluunniit akerlerilluinnarpai, isumaqarpugullu nakuusernerup akiornissaanik suliassami tamatta akisussaaffeqartdugut, politikeri IA-meersoq tusagassiorfinnut nalunaarutikkut allappoq.

Meeqqat eqqorneqartarput

Taassuma innuttaasunut eqqarsaatigeqquvaa nakuusernernik isiginninneq meeqqanut qanoq sunniuteqarnersoq.

– Tamakkua meeqqanut sunik kinguneqartarpat? Inersimasunngorpatalu sunik kinguneqaateqassappat? Sammisassaq paquminartoq ammasuuffiginiartigu immitsinnullu aperaluta, Agathe Fontain oqarpoq.

– Silarsuarmik pilerfsitsiniarta meeqqatta angerlarsimaffimmik nakuuserfiusumik peroriartorfiginngisaannik, tamatta nakuusernermik pinaveersaartitsiffigisinnaasatsinnik akiuuffigisinnaasatsinnillu. Eqqarsaat nuannersuuvoq takorloorlugu nuna inooqatigiilluarfiusoq, inui nuannaartut, peqqissut, toqqissisimasut, tamarmillu imminnut ataqqisut, politikeri oqarpoq.

Taassuma neriuutigaa ajornartorsiut annikillisinneqassasoq, kissaatigaalu nunami ´ullormik nakuuserfiunngitsumik´ pilersitsisoqassasoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER